Aqtóbe oblysynda Torǵaı ózenindegi sý deńgeıiniń kóterilýine baılanysty Nura aýylyndaǵy qorǵanysh bógetiniń topyraq úıindisi shaıylyp ketti. Bul týraly Aqtóbe oblysy ákimdiginiń baspasóz qyzmeti málimdedi.
Aýylǵa sý kire bastady. Oqıǵa ornynda 126 adam bar, onyń 119-y – aýyldy qutqarý úshin qalǵan Nura aýylynyń turǵyny.
Jaǵdaıdy zertteý úshin TJD bastyǵy oqıǵa ornyna Mı-8 tikushaǵymen ushyp ketti.
Buǵan deıin munda topyraq salynǵan 1100 qap tóselip, 390 tonna ınertti materıal jetkizilgen. 12 jáne 13 sáýirde Nuradan 572 adam, onyń ishinde 326 bala evakýasıalandy. 242 adam, onyń ishinde 156 bala Yrǵyz aýylynyń evakýasıalyq pýnktine ornalastyryldy, 310 adam týystaryna jetkizildi, onyń 195-i – bala. 20 adam qaıtyp keldi, 7-i – bala.
Nura aýylynda 112 turǵyn úı bar, 691 adam turady.
