Tiri bolsam, qazaqqa qyzmet etpeı qoımaımyn!

Álıhan Bókeıhan

Iran Izraılge 200-ge jýyq dronmen shabýyl jasady (VIDEO)

14 sáýir 2024 317

13 sáýirde keshke Iran Izraılge eki júzge jýyq ushqyshsyz basqarylatyn ushaqtardy ushyrdy. Bul týraly Alash.kz Stan.kz aqparat agenttigine silteme jasap habarlaıdy.

Buǵan deıin Izraıldiń Kan memlekettik radıostansıasy áskerı baǵalaýlarǵa silteme jasaı otyryp, ırandyq drondar Izraıl aýmaǵyna jeksenbi kúni tańǵy saǵat 02:30 men 05:00 aralyǵynda jetýi múmkin ekenin habarlady (Astana ýaqyty boıynsha 04:30 jáne 07:00).).

Iran-Izraıl qaqtyǵysyna Izraıldiń Sırıadaǵy Iran elshiligine jasaǵan zymyran soqqylary sebep boldy. Elshilik ǵımaraty qırap, ondaǵy birneshe mártebeli adamdar qaza tapqan bolatyn. 

Buǵan jaýap retinde Iran 14 sáýirde Izraılge drondar men múmkin zymyrandardy qoldanyp soqqy berdi.

Ierýsalımde búgin tańǵy 4-ter shamasynda jarylystardyń dybystary estilgen. Keıinnen Ierýsalımde, Tel-Avıvte, Ashkelonda jáne Izraıldiń basqa qalalarynda áýe dabyly sırenalary qosylyp, áýe shabýylyna qarsy qorǵanys júıeleri estildi.

Bul Irannyń Izraılge 1979 jyldan bergi alǵashqy tikeleı shabýyly. Iran Islam revolúsıasynyń qamqorshylar korpýsy bul soqqyny "shynaıy ýáde "operasıasy dep atady.

Izraıl premer-mınıstri Benámın Netanáhý bylaı dedi:

"Qorǵanys júıeleri ornalastyrylǵan, biz kez-kelgen senarıge daıynbyz. Qorǵanys jáne shabýyl senarıi. Izraıl memleketi kúshti. IDF kúshti. Bizdiń halqymyz myqty. Men kelesi qaǵıdany bekitemin: biz bizge zıan keltiretin kez kelgen adamǵa zıan keltiremiz. Biz ózimizdi kez-kelgen qaýipten qorǵaımyz jáne biz bul jaýapkershilikti atqarýda salqynqandylyq tanytamyz", - dedi Netanáhý.

Keıinnen Izraıl qorǵanys júıesi ırandyq zymyrandar men drondardyń barlyǵy derlik atyp túsirilgenin habarlady. Iran 200-den astam kamıkadze drondaryn, qanatty jáne balıstıkalyq zymyrandardyń "bir tobyn” ushyrdy, dep málimdedi Izraıl qorǵanys armıasynyń ókili kontr-admıral Danıel Hagarı.

Onyń málimetteri boıynsha, Izraıl men onyń odaqtastarynyń aımaqtaǵy qorǵanys júıeleri zymyrandar men drondardyń basym kópshiligine tótep bere aldy. Aıtýynsha, olardyń ondaǵan bóligi Izraıl aýmaǵynan tys jerde atyp túsirildi.

Birneshe ırandyq zymyrandardyń qulaýy Izraıldiń bir áskerı qondyrǵysyna az zıan keltirdi, dep habarlady Hagarı. Ol qandaı obekt týraly aıtyp otyrǵanyn naqtylaǵan joq. Izraıldik buqaralyq aqparat quraldarynyń habarlaýynsha, Izraıldiń ońtústigindegi Negev shólindegi áskerı baza zıan kelýi múmkin. 

“Operasıa áli aıaqtalǵan joq. Bizdiń ushaqtar nysandardy atyp túsirýin jalǵastyrýda", – dedi Hagarı. 

 

Vıdeosy: https://t.me/alashkaz/1281 

Bul maqala týraly ne oılaısyz?