Sý tasqyny jaǵdaıyndaǵy sýdyń sapasy qalypty,- dedi mınıstrlik ókilderi.
Mınıstrlik ókilderiniń habarlaýynsha,aýmaqtyq sanıtarıalyq-epıdemıologıalyq baqylaý organdarynyń mamandary aýyz sýdan synama alyp jatyr. Sý tasqynynan zardap shekken óńirlerdegi halyqqa beriletin sýdyń sapasyna monıtorıń júrgizilýde.
Monıtorıń barysynda ortalyqtandyrylǵan jáne ortalyqtandyrylmaǵan sýmen jabdyqtaý kózderinen sanıtarıalyq-hımıalyq, mıkrobıologıalyq taldaýlar úshin synamalar alyndy.
Bir aıta keterligi, sý tasqyny bastalǵaly ortalyqtandyrylǵan jáne ortalyqtandyrylmaǵan aýyz sýmen jabdyqtaý kózderinen túrli synamalar alynǵan. Olardyń jalpy sany - 6 myńnan astam.
Jalpy, sáıkes kelmeıtin synamalar boıynsha kórsetkish 2022-2023 jyldardyń qorytyndylary boıynsha ortasha respýblıkalyq jyldyq kórsetkishten aspaıdy.
Sáıkes kelmeıtin synamalar jergilikti atqarýshy organdar men sý sharýashylyǵy uıymdarynyń nazaryna usynylady. Nátıjesinde,qaýipsiz aýyz sý usynýdy, sý qubyry jelileri men qurylystaryn jýýdy jáne dezınfeksıalaýdy júrgizý jóninde basqarýshylyq sharalar qolǵa alynady.