Onyń ishinde talapkerlerdiń 77,4% – y qazaq tilinde, 22,5% - y orys tilinde, 57 talapker aǵylshyn tilinde testileýden ótken.
UBT bastalǵaly shekti baldy 77%-ǵa jýyq talapker jınady. Ortasha bal 68 baldy qurady.
Testke qatysýshylardyń basym bóligi «Bıologıa-Hımıa» kombınasıalaryn tańdaǵan, naqtysynda, 18%-y tapsyrdy. «Matematıka-Fızıka» pánderin 17% tańdaǵan. Sondaı-aq, top-3 qataryna talapkerlerdiń 12% tańdaǵan «Matematıka-Informatıka» kombınasıasy kirdi. Eń az tańdalǵan kombınasıa – «Hımıa-Fızıka», ony 108 adam tapsyrǵan.
«Úsh aptanyń qorytyndysy boıynsha eń joǵary bal – 136. Jalpy, elimiz boıynsha 56 testke qatysýshy 130 baldan joǵary jınady. Aıta keteıik, 2024 jylǵy UBT aıaqtalǵannan keıin kúntizbelik jyldyń 31 qazanyna deıin testileýdiń beınejazbalaryna taldaý júrgiziledi. Tyıym salynǵan zattardy paıdalaný nemese erejelerdi buzý faktileri anyqtalǵan jaǵdaıda túsýshiniń UBT nátıjeleri joıylady», - dep atap ótti QR ǴJBM Ulttyq testileý ortalyǵynyń dırektory Rýslan Emelbaev.
Erekshe bilim berý qajettilikteri bar oqýǵa túsýshiler úshin qolaıly jaǵdaı jasaýdyń arqasynda UBT-ǵa úsh aptada 242 talapker qatysqanyn aıta ketken jón.
Búgingi tańda 118 ereje buzýshylyq anyqtalǵan. Onyń ishinde 79 talapker smartfon, shpargalka jáne basqa da tyıym salynǵan zattardy alyp ótý áreketi saldarynan test tapsyrý múmkindiginen aıyryldy. Testileý kezinde erejelerdi buzǵany úshin aýdıtorıadan 39 adam shyǵarylyp, olardyń nátıjeleri joıyldy. Bógde tulǵalar anyqtalǵan joq.
Talapkerler testileý aıaqtalǵannan keıin 30 mınýt ishinde apelásıaǵa bere alady. Sertıfıkat apelásıa týraly sheshim qabyldanǵannan keıin testilenýshiniń jeke kabınetinde qoljetimdi bolady.
Foto: pavlodarnews.kz
