Tiri bolsam, qazaqqa qyzmet etpeı qoımaımyn!

Álıhan Bókeıhan

Qyrǵyz depýtaty Reseıden kóshirilgen BAQ týraly zańǵa qarsy shyqty

06 aqpan 2024 50
Qyrǵyz Joǵarǵy Keńesiniń depýtaty Janar Aqaev BAQ týraly zań jobasynyń shıki ekenin aıtty. Bul týraly ol parlamenttiń Konstıtýsıalyq zańnama, memlekettik qurylym, sot-quqyqtyq máseleler jáne reglament jónindegi komıtetiniń otyrysynda málim etti.

Onyń aıtýynsha, qujat jýrnalıserdiń laýazymdy tulǵalardan aqparat alý quqyǵyn shekteıdi.
«Olar barlyq memlekettik organdardan akredıtasıa alýy kerek. Sonda ne úshin jumys isteý kerek? Men zań jobasyn taldap shyqtym. Onyń 95 paıyzy reseılik analogtardan kóshirilgen. Bul nysanda qujat qabyldanbaıdy. Mundaı máseleler qoǵamdyq talqylaý arqyly sheshilýi tıis. Jurtshylyq pen BAQ ókilderiniń qatysýymen dóńgelek ústelder ótkizildi, biraq olardyń pikirleri tyńdalmady. Mınıstrler kabınetimen ortaq pikirge kelýimiz kerek. Zań qabyldansa, kóptegen BAQ jabylady», – degen depýtat bul máseleni kún tártibinen alyp tastaýdy usyndy.

Mádenıet mınıstri Altynbek Maqsutov akredıtteý máselesi boıynsha aıtylǵan pikirler men usynystar eskerilip, pysyqtalǵan jobaǵa engizilgenin aıtty. «Biz barlyq aıtylǵan usynystardy eskerdik, sondyqtan qujatty qoldaýlaryńyzdy suraımyn», - dedi ol.

Depýtattar Janar Aqaevtyń usynysyn qoldap, zań jobasyn keńinen qoǵamdyq talqylaýdan ótkizý týraly usynyspen máseleni kún tártibinen alyp tastady.

Foto: kg.akipress
Bul maqala týraly ne oılaısyz?