Jemqorlardan tárkilengen qarjyǵa 20 mektep salynbaq

Bilim berý ınfraqurylymyn qoldaý qory esebinen 15 myńǵa jýyq oqýshyǵa arnalǵan 20 jańa mektep salynady. Bul týraly QR Oqý-aǵartý mınıstrliginiń baspasóz qyzmeti habarlady.

Jemqorlardan tárkilengen qarajatqa salynatyn bilim berý nysandarynyń tizimi vedomstvonyń saıtynda jarıalanǵan.

Oǵan mynalar kiredi:

• apatty mektepterdi aýystyratyn 2740 oqýshyǵa arnalǵan 5 mektep qurylysy (eki aýysymda);

• úsh aýysymda oqytýdy joıý úshin 1200 oryndyq 1 mekteptiń qurylysy (eki aýysymda);

• oqýshy orynynyń tapshylyǵyn joıý úshin 8976 oqýshyǵa arnalǵan 11 mekteptiń qurylysy (eki aýysymda);

• tozyǵy jetken mektepti aýystyratyn 200 oryndyq 1 mekteptiń qurylysy (eki aýysymda);

• eki mektepke qosymsha korpýstar salý (májilis jáne sport zaldary, ashanalar).

Shymkent qalasynda, Jetisý jáne Qyzylorda oblystarynda úsh mektepten, Jambyl oblysynda tórt mektep, Astana qalasy men Almaty oblysynda eki mektepten, BQO, Pavlodar, Soltústik Qazaqstan oblystarynda bir mektepten salynady.

Shymkent qalasynda, Jetisý jáne Qyzylorda oblystarynda úsh mektepten, Jambyl oblysynda tórt mektep, Astana qalasy men Almaty oblysynda eki mektepten, BQO, Pavlodar, Soltústik Qazaqstan oblystarynda bir mektepten salynady.