Respýblıkalyq aqparattyq shtab SQO men Petropavl qalasyndaǵy sý tasqyny jaǵdaıy týraly aıtty.
SQO TJD baspasóz hatshysy Evgenıı Jýravlevtiń aıtýynsha, oblystaǵy jaǵdaı áli de kúrdeli. Sergeev sý qoımasy 153% tolyp, sý bóget shyńynan 2 metr 83 sm asty. Táýlik ishinde 20 sm tómendedi.
Esil ózeninde sý deńgeıi joǵarylaýda, biraq Petropavl qalasynda, tómengi aǵysynda. Joǵaryda - birtindep tómendep keledi, - dedi spıker OKQ alańynda ótken brıfıńte.
Qazirgi sátte oblysta 1713 úı jáne 1115 úı mańyndaǵy aýmaqtardy sý basqan.
Petropavl qalasynyń Hromzavod jáne Oıqala shaǵyn aýdandarynda táýlik ishinde 1050 úıdi sý basty. Olardan 4552 adam evakýasıalandy, olardyń 957-si bala. Óńir ókiliniń aıtýynsha, eki táýlik ishinde Oıqala shaǵyn aýdanynda qutqarýshylar 100-den astam ıt pen 40-qa jýyq mysyqty evakýasıalaǵan.
Jalpy oblys boıynsha 7477 adam evakýasıalandy, olardyń 1852 bala.
