Tiri bolsam, qazaqqa qyzmet etpeı qoımaımyn!

Álıhan Bókeıhan

"Reseıdiń ar jaq ber jaǵy". Zelenskıı Irannyń Izraılge jasaǵan soqqysyna pikir bildirdi

14 sáýir 2024 874

Ýkraına prezıdenti Vladımır Zelenskıı Irannyń Izraılge jasaǵan aýqymdy soqqysyn aıyptady, dep habarlaıdy Alash.KZ ulttyq portaly. 

"Ýkraına Irannyń Izraılge qarsy shabýylyn, "Shahıd" drondary men zymyrandardy  paıdalanǵanyn aıyptaıdy. Biz Ýkraınada Reseıdiń "Shahıd" drondary men reseılik zymyrandardy qoldanatyn osyndaı shabýyldarynyń barlyq qasiretin, sondaı-aq jappaı áýe soqqylarynyń taktıkasyn jaqsy bilemiz", - dep jazdy ol.

Onyń pikirinshe, Taıaý Shyǵysta odan ári órship ketpeý úshin bar kúsh-jigerdi salý kerek.

Sonymen qatar, Zelenskıı drondardyń shabýylyn toqtatýǵa túrli kezdesýler men álemdik pikirtalastardyń áser etpeıtinin aıtty.Baıandamalar men jıynda aıtylǵan sózder  drondardy toqtatpaıtynyn nemese zymyrandardy atyp túsirmeıtinin jetkizdi. 

Iran Izraıl aýmaǵynda 13 sáýirdiń keshinen bastap ondaǵan soqqy beretin drondar men zymyrandardy ushyrdy. Aıta keteıik, 1 sáýirde Izraıl Sırıadaǵy Iran elshiligine soqqy berdi. Eki aptadan keıin Iran qarsy shabýyl jasady. Jalpy alǵanda, Iran Izraılge 300-den astam dron men zymyran atqan.

Óz kezeginde Izraıldiń BUU-daǵy Elshisi Gılad Erdan sóz alyp, BUU Bas hatshysy Antonıo Gýterrıshke ótinish aıtty. Ol Irannyń Izraılge jasaǵan shabýyly úshin sottaýdy surady. Gýterrısh te mundaı qaqtyǵysty qabyldaı almaıtynyn jetkizip, aýyr shıelenisti aıyptady.

 

Bul maqala týraly ne oılaısyz?