Memleket basshysy Qasym-Jomart Toqaevtyń tikeleı tapsyrmasymen elimizde bastaý alǵan «Taza Qazaqstan» ekologıalyq aksıasy jemisti jalǵasyn tabýda. Baıandy bastama aımaqta atqarylyp jatqan aýqymdy isterge serpin berip, qarqyn syılaýda.
Oblys aýmaǵyndaǵy 4 qalada 1831 kópqabatty turǵyn úı bar bolsa, 2011-2023 jyldary 17,0 mıllıard teńgege 561 turǵyn úı qaıta jańǵyrtýdan ótken. 2023 jyly 301,5 mıllıon teńge qaıtarym qarajat esebinen Taraz qalasynda 7 turǵyn úı kúrdeli jóndeýden ótkizilip, 169 mıllıon teńgege Shý qalasyndaǵy 9 kóppáterli turǵyn úıdiń shatyry men qasbeti jóndeldi.
2024 jyly Taraz, Jańatas, Shý qalalary men T.Rysqulov aýdanyndaǵy Qulan aýylynda 79 turǵyn úıdi kúrdeli jóndeýge respýblıkalyq búdjetten 5,9 mıllıard teńge qarastyrylǵan.
Sonymen qatar, Taraz qalasyndaǵy komýnaldyq menshiktegi 6 úıge 99,6 mıllıon teńgege aǵymdaǵy jóndeý jumystary atqarylsa, «Qarataý qurylys - 2030» jaýapkershiligi shekteýli seriktestigi 685,0 mıllıon teńgege 11 kóppáterli turǵyn úıdiń sáýlettik kelbetin jaqsartý jumystaryn júrgizýde.
- Kóne shahardyń ózindik ereksheligin saqtaı otyryp, qaladaǵy úılerdiń qasbetin jóndeý jumystary qarqyndy júrgizilýde. Týǵan qalamyzdyń osyndaı tamasha keıipke enip, túrlenip jatqany barshamyzǵa qýanysh syılaıdy,-dedi qala turǵyny Qýat Jylqybekov.
