Beıneý aýdanynda mektep bitirip jatqan bir top oqýshy kóshede bir-birimen tóbelesip, tas laqtyrǵan. Osy oqıǵa úshin oqýshylardyń ata-analary keshirim surady, dep habarlaıdy Alash.KZ ulttyq portaly mangystaumedia.kz-ke siltep.
Aıta keteıik oqýshylar tóbelesi Boranqul aýylynda bolǵan.
«Biz balalarymyzdyń mektep bitirý saltanatyn bastan-aıaq ózimiz polıseılermen birge baqylap júrdik. Az ǵana ýaqyttyń ishinde balalar arasynda kelispeýshilik bolyp qaldy. Alaıda eshkim jaraqat almady. Osy oqıǵanyń vıdeosy áleýmettik jelige tarap ketken eken. Balalarymyzdyń buzaqylyǵy úshin keshirim suraımyz», - deıdi ata-analar.
Eske sala ketsek, osyǵan deıin Beıneý aýdanynda túlekter arasynda kıkiljiń bolǵanyn habarlaǵan edik.
