Memleket basshysy Qasym-Jomart Toqaevtyń tapsyrmasyna sáıkes, Jambyl oblysynda respýblıkalyq «Taza Qazaqstan» aksıasy aıasynda «Taza aýla. Taza ólke. Taza el!» ekologıalyq naýqany bastaý alǵan bolatyn.
Aýqymdy aksıanyń ekinshi aptasy «Kıeli meken» degen ataýmen tarıhı-mádenı eskertkishterdiń aýmaǵyn abattandyrýǵa arnaldy.
Soǵan oraı búgin “Jeńis” saıabaǵyndaǵy Baýyrjan Momyshuly eskertkishine sanıtarlyq tazalyq jumystary júrgizildi. Sharaǵa Taraz qalasy ákiminiń orynbasary Qaırat Ismaıl qatysyp, belsendi jáne erikti jastarmen birge saıabaqqa tal kóshetterin otyrǵyzdy.
Jalpy osy kúni demalys ornyna 500 túp raýshan gúli, 30 týıa men 20 ıasın aǵashy egildi.
Respýblıka kóleminde uıymdastyrylǵan aýqymdy aksıanyń sheńberinde Taraz qalasynda ekologıalyq is-sharalar ótkizilýde. Olardyń árqaısysy belgili bir taqyrypqa arnalǵan. Aıshyqty naýqan aldaǵy ýaqytta da óz jalǵasyn tabady.
