Saltanat Núkenovanyń týys ápkesi Samal Núkenova Baıjanovqa keshirim joq ekenin aıtty, dep habarlaıdy Alash.KZ ulttyq portaly.
Saltanat Núkenovanyń týys ápkesi Samal Núkenova óziniń áleýmettik jeli paraqshasynda:
Bizdiń otbasymyz Baıjanovty keshirmeıdi! Emosıonaldy, aıanyshty sózderiniń astarynan biz shyndyqty kórmedik! Ol bos sóıledi. Barlyǵy spektákldi qalaı keremet oınaǵanyn baıqady dep úmittenemin (janjal, qarǵys sátteri jáne t.b.). Biraq osy shoý arqyly beıshara ekenin kórsetti. Azaptaýdy rastaıdy, ol úshin "bıchke" eń kóbi 2 jyl beriledi. Biraq kisi óltirgenge keshirim joq, ómir boıy abaqtyǵa jabýǵa tıisti asa aýyr qylmys! Baıjanov máıitti kórpemen orap, kólikti nege parkıngke aparǵanyn eshqashan ashqan emes. Nelikten olarǵa skoch qajet boldy, zattaı dáleldemeler qaıda jáne denede qandaı synyq bolǵanyn da aıtpady. Amıak qaıda ketti? Eger olar oıatý úshin búkil bótelkeni paıdalansa jáne ol oıanbasa, olar bul oǵash kórinbedi me? - dep jazdy.
Esterińizde bolsa,Saltanat Núkenovanyń týys ápkesi Samal Núkenova marqumnyń moınynda qylǵyndyrý belgileri neden bolýy múmkin ekenin aıtqan edi.
"Anardyń (Saltanat Núkenovanyń kómekshisi - red.) moınyndaǵy jip izi týraly aıtqany – jazda Shymkentte ony qýattaǵysh symymen qylǵyndyrǵan. Salta onymen (Bıshimbaev - red.) qarym-qatynasy týraly az-kem aıtatyn. Qaıtys bolǵannan keıin bizde jalpy kartına paıda boldy, biraq 10 adam baryp, bárimiz kezek-kezek óz kórgenimizdi aıta almaımyz", - degen edi Samal Núkenova.
Eske salaıyq, 9 qarashada eks-mınıstr Qýandyq Bıshimbaevtyń ustalǵany belgili boldy. Astanadaǵy meıramhanalardyń birinde kelýshiler arasynda janjal shyǵyp, saldarynan bir áıel alǵan jaraqatynan kóz jumǵan. Boljam boıynsha, áńgime eks-mınıstrdiń áıeli týraly. Bıshimbaevtyń ustalǵany týraly habarlamamen qatar Astana polısıasy er adamnyń ustalǵany týraly pikir bildirdi. Biraq onyń aty-jónin naqtylamady.
Sondaı-aq, saǵat 19:54-te astanalyq jedel medısınalyq qyzmet kórsetý stansıasy púltine qońyraý túsken. Jedel járdem brıgadasy jetkende 1992 jyly týǵan áıeldiń qaza bolǵany rastaldy. Keıin marqumnyń 31 jastaǵy Saltanat Núkenova ekeni belgili boldy. Ol - Qýandyq Bıshimbaevtyń áıeli.
Keıinirek Qýandyq Bıshimbaevqa qatysty 2 aı merzimge qamaýǵa alý týraly bultartpaý sharasy taǵaıyndaldy.
