Baıden aldaǵy saılaý qorytyndysyna qatysty pikir bildirdi. Ol Tramp saılaýda jeńiske jetken jaǵdaıda Ýkraınany jeńilýge úgittep, terıtorıalarynan bas tartýǵa májbúrleıtinin málimdedi, dep habarlady Alash.KZ ulttyq portaly.
AQSH-tyń burynǵy prezıdenti Donald Tramp qarasha aıyndaǵy saılaýda jeńiske jetken jaǵdaıda Reseıge bolysyp, Ýkraınany Reseıdiń "aıaǵyna jyǵylýǵa" úgitteıdi.Bul týraly 9 sáýirde qazirgi amerıkalyq kóshbasshy Djo Baıden eskertti.
Baıden Trampty Kongrestegi óz partıasynyń ókilderinen Ýkraınaǵa qosymsha kómekke qarsy daýys berýdi talap etkeni úshin synǵa aldy.
"Bizde Ýkraınany qoldaýdy jalǵastyratyn mámile jasaýǵa múmkindik boldy. Ol [Tramp] telefondy alyp, respýblıkalyq senatorlarǵa qońyraý shalyp: "bul úshin daýys bermeńiz. Muny jasamańyz". Nelikten? Sebebi ol [Reseı prezıdenti Vladımır] Pýtındi renjitkisi kelmeıdi", — dep atap ótti amerıkandyq kóshbasshy Chıkagodaǵy (Illınoıs shtaty) saılaý naýqanyna qarajat jınaý sharasynda.
Baıden Tramptyń Ýkraına úshin belgili bir "qupıa jospar" jasaǵanyn, biraq onyń mazmuny týraly biletinin aıtty.
"Men qupıanyń ne ekenin bilemin dep oılaımyn. Eger ol prezıdent bolsa, onda Ýkraınany beıbitshilikke qol jetkizý úshin óz jeriniń úlken bóliginen bas tartýǵa májbúr etetin birdeńe oılap tabady",-dedi.
Bul jaıly aıtqan AQSH prezıdentiniń sózderi Aq úıdiń saıtynda jarıalandy.
Reti kelgende aıta keteıik, Ýkraına prezıdenti Vladımır Zelenskıı AQSH prezıdenttigine Respýblıkalyq partıa atynan úmitker Donald Trampty Ýkraınaǵa arnaıy shaqyrdy.
Ol Axel Springer medıa holdıńine bergen suhbatynda Tramptyń Ýkraına men Reseı arasyndaǵy soǵysty toqtatý týraly usynystaryn tyńdaǵysy keletinin aıtty.
