Tiri bolsam, qazaqqa qyzmet etpeı qoımaımyn!

Álıhan Bókeıhan

Sý tasqynynan zardap shekken muǵalimderdiń tizimi jasalyp jatyr

21 sáýir 2024 213

Sý tasqynyna baılanysty rezerv retinde balalar men olardyń ata-analary úshin qosymsha 7 myń oryn ázirlendi. Bul týraly Oqý-aǵartý mınıstrliginiń resmı ókili Mereke Nurmuhanova málim etti, dep habarlaıdy alash.kz saıty inbusiness.kz ke siltep.

"Sý tasqyny bastalǵan kezden Oqý-aǵartý mınıstrligi oqý prosesin sapaly uıymdastyrý jáne balalardy ornalastyrý boıynsha jumystardy júıeli túrde iske asyryp keledi. Qazirgi kezde osyǵan deıin evakýasıalyq pýnktterde bolǵan 4 myńǵa jýyq bala ata-analarymen birge yńǵaıly oryndarǵa ornalastyryldy. Onyń ishinde 600-ge jýyq oqýshy saýyqtyrý ortalyqtaryna, 2 myńǵa tarta bala kolejder men joǵary oqý oryndarynyń jataqhanalaryna, taǵy 600-ge jýyq bala respýblıkalyq mańyzdaǵy ınovasıalyq mektep-lıseı jataqhanalaryna jiberildi. Rezerv retinde balalar men olardyń ata-analary úshin qosymsha 7 094 oryn ázirlendi", – deıdi Mereke Nurmuhanova.

Ol oqýshylar qajet oqý quraldarymen, tamaqtandyrýmen jáne kıimmen qamtamasyz etilgenin aıtty.

QTJ kompanıasymen birge balalar saýyqtyrý ortalyqtaryna tegin tasymaldandy. 

"Atap aıtqanda, sý tasqynynan zardap shekken óńirlerdegi balalar úshin emtıhan tapsyrý merzimderi qaıta qaraldy. Budan buryn Aqtóbe jáne Atyraý oblystarynda TJB men BJB ótkizilmeıtini habarlandy. Qazir Soltústik Qazaqstan oblysynyń zardap shekken eldi mekenderinde turatyn balalar úshin de TJB men BJB-ny alyp tastaý sheshimi jasaldy. Aqmola jáne Batys Qazaqstan oblystarynda sheshim jaǵdaıǵa qaraı qabyldanady", – dedi resmı ókil.

Onyń sózine qaraǵanda, qazir keltirilgen shyǵyndy anyqtaý jáne sý tasqynynan zardap shekken pedagogterdiń tizimin qurý jumystary iske asyrylyp jatyr.

Jekemenshik bilim berý uıymdarynyń qaýymdastyǵy zardap shekkenderge kómek qoryn ashty. Usynylǵan derekterge sáıkes, 12 mln teńgeden astam qarjy jınalǵan.

Bul maqala týraly ne oılaısyz?