Aıta ketý qajet bul bilim oshaqtarynyń barlyǵy aýyldy jerlerde ornalasqan. Olardyń keıbirinde bala sany tipti úshke de jetpeı qalǵan. Sondyqtan bilim basqarmasyndaǵy mamandardyń sheshimimen olardyń esikterine qulyp ilindi. Jalpy qazirgi tańda óńirde 465 mektep jumys istep tur. Al onyń 75%-i shaǵyn komplektili. Sondaı-aq 306 aýyldan 2700-den astam oqýshy kórshi eldi mekenderge qatynap oqýǵa májbúr. Óńirde eki jańa bilim oshaǵynyń qurylysy júrip jatyr.
Oblystyq bilim basqarmasynyń habarlaýynsha 2022-2023 jańa oqý jylynda jabyldy:
- Aıyrtaý aýdanynyń Verhneburluq bastaýysh mektebi;
- Esil aýdanynyń Alabı bastaýysh mektebi;
- Maǵjan Jumabaev aýdanyndaǵy Zolotaıa Nıva negizgi mektebi;
- Qyzyljar aýdanynda Jelákov, Novonıkolsk bastaýysh mektepteri;
- Ǵabıt Músirepov aýdanyndaǵy Lıtvınovka bastaýysh mektebi;
- Taıynsha aýdanyndaǵy Krasnodolskıı bastaýysh mektebi.
Názir Jáshibekov, oblystyq bilim basqarmasynyń basshysy:
– Bul mektepterde balalardyń sany normatıvke sáıkes kelmedi. Sol sebepten osy mektepter jabylyp qaldy. Jabylǵan mektepterde búkil balalardy tasymaldaý uıymdastyryldy. Internatta turatyn balalardy bes ret tamaqtandyramyz. Byltyr 7 mektep jabyldy. Sodan keıin 7 mektep reorganızaıa bolyp ketti ǵoı. Bıyl reorganızasıa joq.
