Tiri bolsam, qazaqqa qyzmet etpeı qoımaımyn!

Álıhan Bókeıhan

Sotta Saltanat Núkenovanyń aǵasy qaryndasynyń taıaq jegen fotolaryn kórsetti

29 naýryz 2024 289

Astanalyq sotta eks-mınıstr Qýandyq Bıshimbaevqa qatysty sot otyrysy 29 naýryz kúni saǵat 10:00-de bastaldy. Sot otyrysynda Núkenovanyń aǵasy Aıtbek Amangeldi Saltanattyń soqqyǵa jyǵylǵan kezde túsken fotolaryn kórsetti.

«Qaryndasym 2022 jyldyń tamyzynda ol maǵan kóńil bólip júrgen bir jigit paıda bolǵanyn aıtty. Ol (Bıshimbaev) Saltanattan keńes alýǵa jazylýǵa birneshe ret tyrysqan. Saltanat astrologıa boıynsha er adamdarǵa keńes bermeıtin. Sondyqtan qabyldaýdan bas tartqan. Tipti bir áıel qabyldaýǵa jazylyp, artynan Qýandyq kelgen kez de bolǵan. Iaǵnı uzaq ýaqyt boıy kezdese almaı júrgen. Artynan Qýandyq Saltanattyń nómirin taýyp alyp, jaza bastaǵan. Saltanat ony da maǵan kórsetti. Hatta Qýandyq «Saltanat, men týraly asyǵys sheshim qabyldamańyz. Tanysaıyq, sóıleseıik. Men týraly jazylǵan nárselerge senbeńiz. Ózińiz oılanyp, meni qabyldaýyńyzǵa jazyńyz» dep jazǵan. Keıin Saltanat Qýandyqty aqyry qabyldaýyna jazǵanyn bildim. Aqyry 2022 jyly 29 qyrkúıekte Bıshimbaev Saltanatty Konstantın Meladzeniń konsertine shaqyrǵan. Artynsha qazan aıynda Saltanat Bakýdegi qurbysyna barǵan», - dedi sot otyrysynda Aıtbek Amangeldi.

Aǵasynyń aıtýynsha, sol kezde ol Bakýge Qýandyq Bıshimbaevpen birge barǵan.

«Saltanat Bıshimbaev onyń talǵamyndaǵy jigit emes ekenin, ortaq áńgimeleri joǵyn, tipti astrologıa boıynsha da sáıkes kelmeıtinderin aıtqan bolatyn. Biraq Bakýdegi sapardan keıin Saltanattyń Qýandyq týraly oıy ózgerdi. Qazannyń sońynda Qýandyq Saltanatqa úılenýge usynys jasaǵanyn estidim. Onyń ınstagram arqyly bildim. Saltanat ata-anamyzben sóılesip, Qýandyqty jaqtady», - dedi Núkenovanyń aǵasy.

Bul maqala týraly ne oılaısyz?