Tiri bolsam, qazaqqa qyzmet etpeı qoımaımyn!

Álıhan Bókeıhan

Bıshimbaev isi: alqabıler irikteldi, kelesi sot otyrysy qashan?

27 naýryz 2024 357

Búgin, 27 naýryzda Astananyń qylmystyq ister jónindegi mamandandyrylǵan aýdanaralyq sotynda Qýandyq Bıshimbaevtyń isi boıynsha alqabılerdi irikteý ótti.

Bul týraly Joǵarǵy Sot Telegram arnasynda málimet jarıalady.

«Alqabıler alqasyna 12 adam tańdaldy: 10 – negizgi quram, 2 – qosalqy. Ashyq rejımde ótetin kelesi sot otyrysy 2024 jyldyń 27 naýryzynda saǵat 16:00-ge belgilendi», - delingen Joǵarǵy sottyń baspasóz habarlamasynda.

Aıta keteıik, 11-12 naýryzda Astanada áıeli Saltanat Núkenovany óltirdi dep aıyptalyp jatqan burynǵy ulttyq ekonomıka mınıstri Qýandyq Bıshimbaevtyń isi boıynsha aldyn ala sot tyńdaýy ótken bolatyn.

Eske salsaq, buǵan deıin Joǵarǵy Sot Bıshimbaevtyń sotynda alqabılerdi sýretke túsirýge jáne jeke basyn anyqtaýǵa tyıym salǵanyn habarlaǵanbyz.

Bul maqala týraly ne oılaısyz?