Reseıdiń FSB dırektory Aleksandr Bortnıkov Ýkraınanyń barlaý agenttikteri "Krokýs Sıtı Holdaǵy teraktqa yqpal etti, al ol teraktty radıkaldy ıslamıster daıyndady" dep málimdedi.
– Ýkraınada "terrorısterdi kútken" degen aqparat pysyqtalyp jatyr. Qazir osy qyrǵynǵa qatysqandardyń bárin anyqtaý úshin jumys istelip jatyr. Reseıde, shetelde júrgenderdi de anyqtaý isi bar. Terrorıster qashsa, demek qutylyp ketpek bolǵan. Men bir qupıany ashaıyn - ol jaqta bulardy batyrlardaı kútken. Meniń bul aıtqanym, qalaı aıtsam - solaı jetsin, – degen Bortnıkovtyń sózin Reseı BAQ-tary taratyp jatyr.
Buǵan deıin Ýkraına prezıdenti keńsesiniń keńesshisi Mıhaıl Podolák Ýkraınanyń «Krokýs Sıtı Hol» keshenindegi terorıstik shabýylǵa qatysy joq dep málimdegen edi. Batys elderi de Reseıge “Krokýstaǵy” oqıǵa Ýkraınadaǵy soǵysty údetýge sebep bolmaýy kerektigin Reseıge eskertken.
