Astana qalasynyń qylmystyq ister jónindegi aýdanaralyq soty bılikti asyra paıdalandy dep aıyptalǵan Samat Ábishke qatysty qylmystyq is (QR QK 362-baby 4-bóligi) qaralǵanyn málimdedi.
«Qupıa» belgisin eskere otyryp, sot otyrystary jabyq formatta ótken.
Sotta prokýror aıypty qoldap, sottan Samat Ábishti belgili bir laýazymdardy atqarý quqyǵynan 10 jylǵa aıyra otyryp, 8 jylǵa bas bostandyǵynan aıyrý jazasyn taǵaıyndaýdy surady. Bul rette QK-niń 63-babynyń negizinde jazany probasıalyq baqylaý belgileı otyryp, sol merzimge shartty túrde dep kesilgen.
Sot úkimimen ol QR QK 362-babynyń 4-bóliginde kózdelgen qylmysty jasaǵany úshin kináli dep tanyldy jáne 10 jyl merzimge belgili bir laýazymdardy atqarý quqyǵynan aıyryla otyryp, 8 jylǵa bas bostandyǵynan aıyryldy, delingen habarlamada.
Samat Ábish kinásin tolyq moıyndap, shyn júrekten ókingen.
QR QK 63-baby negizinde taǵaıyndalǵan jazany shartty dep sanaý týraly qaýly etildi. Sot sottalýshynyń jas balalarynyń bolýyn jáne onyń shyn júrekten ókinýin jazany jeńildetetin mán-jaılar dep tanydy. Aýyrlatatyn mán-jaılar anyqtalǵan joq. QR QK 49-babynyń 2-bóligine sáıkes sot Qazaqstan Respýblıkasynyń Prezıdentine arnaýly ataǵynan jáne memlekettik nagradalarynan aıyrý týraly usynys engizý týraly sheshim qabyldady, delingen Astana qalasynyń qylmystyq ister jónindegi aýdanaralyq sotynyń baspasóz habarlamasynda.
