Tiri bolsam, qazaqqa qyzmet etpeı qoımaımyn!

Álıhan Bókeıhan

Sot Tımýr Qulybaevtyń úıin buza ala ma? İle-Alataý ulttyq parkindegi qonaqúıdi buzýǵa Qulybaevtyń kompanıasy qarsy

20 jeltoqsan 2023 69


Negizgi ıesi kásipker Tımýr Qulybaev bolyp sanalatyn "KIPROS" JSHS kompanıany İle-Alataý ulttyq parkiniń aýmaǵyndaǵy qonaq úıdi buzýǵa mindettegen sot sheshimine túsinikteme berdi. Kompanıa bul nysan týrısik maqsatta emes, jeke maqsatta paıdalanylady degen tujyrymmen kelispedi jáne ony buzý týraly sheshimge qarsy dep habarlaıdy alash.kz.



"KIPROS" nege mindetteldi?




30 qarashada Almatynyń mamandandyrylǵan aýdanaralyq ekonomıkalyq soty "KIPROS" JSHS-ǵa qatysty "İle-Alataý memlekettik ulttyq tabıǵı parki" RMM-niń talap-aryzy boıynsha sheshim shyǵardy:

- jer ýchaskesin uzaq merzimdi paıdalaný shartyn buzý týraly;

- İle-Alataý ulttyq parkiniń paıdasyna ýchaskeni qaıtarý jónindegi kompanıaǵa mindet júkteý;

- JSHS -ny qonaq úıdi óz esebinen buzýǵa mindettedi.

Kompanıanyń munymen nege kelispeıdi?

"KIPROS" JSHS daýly jer ýchaskesinde "Iýjnaıa" týrısik bazasy salynyp, paıdalanýǵa berildi dep málimdeıdi.
- Bul rette paıdalanýǵa berý İle-Alataý ulttyq parkiniń kelisimimen júzege asyrylǵanyn atap ótemiz, - delingen kompanıanyń Ulysmedia.kz.bergen jaýabynda.

JSHS málimdegendeı, "týrısik baza maqsatqa sáıkes paıdalanyldy".
- Sotqa kelisim-sharttar, fotomaterıaldar, áleýmettik jelilerge siltemeler, esepter jáne basqa da qujattyq dáleldemeler usynyldy. Kóshpeli otyrys ótkizildi, onda proseske qatysýshylarǵa obekt jeke maqsatta kotej úıi retinde paıdalanylmaıtynyn, týrısik maqsattaǵy obekt retinde paıdalanylatynyn kórsetti, - dep túsindirdi "KIPROS".

Kompanıa bizge bergen aqparatqa sáıkes, sot nysan jeke úı degen qorytyndyǵa  prokýratýra ınspektory men saıabaq mamanynyń sózderinen keıin kelgen.  Prokýror "aýmaqqa kirýge ruqsat berilmegenin" alǵa tartsa,  saıabaq mamany aýmaqta "bir apta ishinde birde bir týrısi baıqamaǵanyn" aıtqan. Oǵan qosa aýmaqta jóndeýden ótip jatqan eki qabatty úı baryn habarlaǵan.

- Sot sheshimi zańdy kúshine engen joq. JSHS  joǵary ınstansıaǵa shaǵymdaný quqyǵyn ózine qaldyrady, - dep atap ótti kompanıada.

"KIPROS" JSHS

Kompanıanyń negizgi ıesi – Tımýr Qulybaev, osy kompanıa arqyly onyń Emdeu Group, Joint Technologies, PetroRetail, Viled Group jáne QTJ-ǵa qyzmet kórsetetin "Qamqor Menejment" tobynda úlesteri bar. "KIPROS" JSHS qurylymyna áskerı ushaqtardy jóndeýge arnalǵan memlekettik tapsyrystardyń bas oryndaýshysy - "Qazaqstandyq avıasıalyq ındýstrıa" kiredi.

Bul maqala týraly ne oılaısyz?