Tiri bolsam, qazaqqa qyzmet etpeı qoımaımyn!

Álıhan Bókeıhan

5 mln 152 myń teńge. Dosaevty synaǵandardy anyqtaý úshin qarjy bólingen

20 jeltoqsan 2023 45

Estimegen elde kóp degen ras aý. Memlekettik satyp alý saıtynda Almaty ákimdigi tarapynan "qyzyqty tapsyrys" anyqtaldy, dep habarlaıdy Ulysmedia.kz ras_aitam paraqshasyna siltemesi jasap.




Tenderdi kim utty?




Tenderdi Almaty qalasy qoǵamdyq damý basqarmasynyń "monıtorıń jáne taldaý ortalyǵy" ótkizipti. Vedomstvoda memlekettik búdjetten 5 mln 152 myń teńgege "Alem Research" JSHS-ge "BAQ-ty taldaý jáne monıtorıńileý jónindegi qyzmetterge" tapsyrys berilgen. Olarǵa qandaı BAQ pen blogerler óz jarıalanymdarynda Erbolat Dosaevty atap ótetini jáne qandaı negizde ekenin anyqtaý júktelipti.

Bir qyzyǵy, Almatynyń qazirgi ákimi tegtelgen 12 myń jarıalanymnyń barlyǵy derlik jaqsy jańalyq bolmaı shyqty.

Eger siz memlekettik satyp alý saıtyndaǵy lottyń betin muqıat zertteseńiz, tapsyrystyń tolyq oryndalý merzimi osy jyldyń 31 jeltoqsanyna belgilengenin baıqaı alasyz.

Heıterler tizimi

Dosaev týraly jaǵymdy pikirler Almaty ákimdiginiń baspasóz qyzmetiniń saıtynda órip júr.

Biraq Alem Research "zertteýine qaraǵanda Erbolat Asqarbekulynyń basty "haıteri" jýrnalıs Ashat Nıazovtyń "Obajaıý" Youtube-arnasy eken.

"Dosaevtyń tizimimen" tolyǵyraq myna silteme arqyly tanysýǵa bolady.

Sary syzyq teris pikir bildirgenderdi, kók –  oń kózqaras bildirgenderd, sur – beıtarap sıpattaǵy eskertýlerdi bildiredi:









Kórip turǵandaryńyzdaı zertteýde "Nege" redaksıa da atalǵan.

“Negatıv” nege kóp?

Erbolat Dosaev ákim qyzmetinde birneshe janjaldyń ortasynda qalǵany belgili. Ásirese, qala turǵyndaryna esep berý brıfıńi kezinde Dosaevtyń “juldyzy janatyn”. Ol shaǵymdanǵan almatylyqtarmen bazardaǵy áıeldershe salǵylasyp urysatyn. Árıne, mundaı sátter jelide jıi tarap ketedi. Sodan almatylyqtar ǵana emes, elimizdiń basqa da turǵyndary ony synap tastaǵan edi.

Máselen, Erbolat Dosaev bloger Ashat Nıazovty jeke keńistigine basyp kirgeni úshin sotqa beremiz dep qorqytty. Janjal komersıalyq áýejaı aýmaǵynda, qala basshysynyń Astanadan Almatyǵa jeke reıspen ushýy barysynda bolǵan.

Bul maqala týraly ne oılaısyz?