Ýnıversıtettiń 14 fakúltetinde bedeldi ǵylymı mektepter shoǵyrlanǵan, olar: mehananıka-matematıka, fızıka, bıologıa, hımıa, fılologıa, jýrnalısıka, tarıh, geografıa, fılosofıa jáne saıasattaný, ekonomıka jáne bıznes, zań, shyǵystaný, halyqaralyq qatynastar, sheteldik azamattarǵa arnalǵan daıyndyq fakúlteti. QazUÝ-dyń 75-jyldyq ómir jolynda qalyptasqan dástúrlerge, esimderi men atqarǵan isteri uly shańyraqtyń, ıaǵnı elimizdiń jasampaz oqý orny basynan keshken tarıhynyń ǵylymǵa rıasyz qyzmet etý men batyl ınovasıalardyń ajyramas bóligi bolyp tabylatyn aldyńǵy býyn aǵalar men zamandastarǵa tán erlikke taban tireıdi.
Ýnıversıtettiń mısıasy – elimizdiń qoǵamdyq ómiri men ǵylymyna, ekonomıkanyń mańyzdy baǵyttarynyń qarqyndy damý máselelerin sheshýge baǵyttalǵan zamanaýı, joǵary bilimdi, básekege qabiletti mamandar býynyn qalyptastyrý.
Kredıttik tehnologıanyń máni – akademıalyq baǵdarlamalardyń ıkemdiligi men árbir stýdent úshin oqýdyń jeke traektorıasyn tańdaý múmkindiginde. 2008 jyly ýnıversıtette birinshi ret bakalavrıattaǵy 2726 pán qamtylatyn 60 mamandyq úshin qazaq jáne orys tilderinde elektıvti kýrstardyń katalogtary qalyptastyryldy. Bul stýdentterdiń ár deńgeıdegi oqytý aıasynda oqý pánderin shyn mánisinde tańdap alýyna jaǵdaı týdyrady.
QazUÝ ǵylymı ınfraqurylymynyń negizi – Respýblıkadaǵy irgeli zertteý baǵdarlamalary jalpy mólsheriniń 50% júrgiziletin 20 ǵylymı-zertteý ınstıtýty men halyqaralyq ǵylymı ortalyq. Ýnıversıtet janynda sonymen qatar kolej, biliktilikti kóterý ınstıtýty jáne túlekteri qosymsha áskerı mamandyq alyp shyǵyp, QR Qarýly kúshteri qatarynda, ishki ister jáne ulttyq qaýipsizdik organdarynda, keden qyzmeti mekemelerinde qyzmet etýge múmkindik beretin áskerı kafedra jumys isteıdi.
Ýnıversıtet bilim alýshy tulǵanyń jan-jaqty damýyna, ózin-ózi kemeldendirýine qajetti jaǵdaı jasaý úshin bar kúsh-jigerin salyp, stýdenttik ózin-ózi basqarýǵa, kóshbasshylyq qasıetterdi tárbıeleýge mol múmkindikter týdyrýda.
Ýnıversıtette Qazaqstandaǵy asa iri INTERNET jelisine qosylǵan, 3500 zamanaýı kompúterden turatyn korporatıvtik aqparattyq júıe qurylǵan, sondaı-aq kompúter synyptary men Internet zaldar jumys isteıdi. Internet júıesi barlyq oqytýshylar men stýdentterdi qamtıtyn, oqý úderisiniń barlyq kezeńinde kóptegen parametrlerdi kúndelikti baqylaýdy qamtamasyz etetin, stýdentterdi oqýǵa yntylandyrýǵa, olardyń úlgerimi men bolashaq jumys ornynda bilimin praktıkalyq qoldaný qyzyǵýshylyǵyna yqpal etetin iri korporatıvtik jeli bolyp tabylady.
QazUÝ qalashyǵynyń barlyq aımaǵy Wi-Fi symsyz jelisimen qamtylatyn bolady. Onyń kez kelgen núktesinde ár stýdent ýnıversıtet birlestiginiń jelisinde jumys isteýmen qosa, Internetke tegin qosylý múmkindigine ıe bolady. Sonymen qatar táýlik boıy isteıtin 300 oryndyq jańa Internet-kafe jumys isteıdi.
Ó.A. Joldasbekov atyndaǵy Stýdentter saraıy – QazUÝ qalashyǵynyń injý-marjany. Munda Qazaq ulttyq aspaptar orkestri, kórkemóner úıirmeleri, «Biz» stýdentter teatry, KTK komandasy jumys isteıdi.
Sportpen aınalysýǵa barlyq jaǵdaı jasalǵan (QazUÝ qalashyǵynyń sport kesheni, Stýdentterdiń sporttyq klýby, túrli seksıalar, densaýlyq toptary). Qyzmetkerler men stýdentterdiń spartakıadasy udaıy ótkizilip, olardyń qalalyq jarystarǵa qatynasýy qamtamasyz etiledi. Ýnıversıtet stýdentteriniń ómiri qyzyqtylyǵymen ári alýandyǵymen erekshelenedi. Ol tek dárister men semınarlarǵa qatysýmen ǵana shektelmeıdi. Olar shalqyǵan shyǵarmashylyq qýat pen jastyq jalyndy, balǵyn talantty shyńdaıtyn teatr stýdıalary men poetıkalyq klýbtarǵa, kóńildi jáne tapqyrlar saıysyna belsene qatysady.
QazUÝ 400-den astam sheteldik ýnıversıtettermen yntymaqtastyq týraly kelisim jasaǵan. Osy negizde magıstrant, doktoranttarǵa eki adamnyń jetekshilik etý tájirıbesi keńinen óristep otyr. Bir ǵylymı jetekshi Qazaqstannan bolsa, ekinshisi – shetel JOO-daǵy belgili ǵalym. Osynyń bári de QazUÝ stýdentteri úshin halyqaralyq deńgeıde oqyp, zertteýler júrgizýge laıyqty jol ashady.
Balapandaı qanat qaqqan árbir jasty baýyryna basyp, damýyna úles qosyp kele jatqan mańdaı aldy ýnıversıtet ol – QazUÝ. Qazaqstandaǵy eń bedeldi ýnıversıtetterdiń biri jáne bolashaq urpaqqa sapaly bilim berý úshin tamasha akademıalyq bazaǵa ıe. 1934 jyly negizi qalanǵan ýnıversıtet otandyq ǵylym men tehnıkanyń, mádenıettiń jáne joǵary bilimniń qalyptasýy men damýyna ólsheýsiz úles qosyp, sonymen birge memleketimizdiń damýynda tirek, baǵdar bola bildi. Ýnıversıtette myqty bilim alǵysy keletin árbir stýdent úshin birqatar laıyqty múmkindikter bar. Ýnıversıtette Qazaqstandaǵy eń úlken jáne eń baı kitaphanalardyń biri bar.Ál-Farabı atyndaǵy Qazaq ulttyq ýnıversıtetiniń ǵylymı kitaphanasy Ortalyq Azıadaǵy eń iri kitaphanalardyń biri bolyp sanalady. QazUÝ jas ǵalymdarǵa jaqsy jabdyqtalǵan jataqhana usynatyn stýdenttik qala sanalady. Ýnıversıtette 5000-nan astam stýdentti qabyldaı alatyn 14 úlken jatahana ornalasqan. Ýnıversıtette 16 fakúltet, 67 kafedra, 32 ǵylymı-zertteý ınstıtýttary men ortalyqtary, tehnopark bar. Sonymen qatar, 2 myńnan astam profesorlar, ǵylym doktorlary, fılosofıa kandıdattary men doktorlary, 100-den astam iri akademıkter, 40-tan astam Qazaqstan Respýblıkasynyń eńbek sińirgen qaıratkerleri, 40-qa jýyq memlekettik syılyqtyń ıegerleri bar.Ýnıversıtet keremet jáne jan-jaqty akademıalyq baǵdarlamalardy usynady. Jyl saıyn QazUÝ-dyń 2000-nan astam stýdenti tildik daıyndyqtan, sondaı-aq sheteldik ǵylymı jáne oqý oryndarynda ǵylymı taǵylymdamadan ótedi. Ýnıversıtet jyl saıyn ýnıversıtettiń 600-den astam profesorlyq-oqytýshylyq jáne ákimshilik qyzmetkerlerine halyqaralyq konferensıalarǵa, sheteldik joǵary oqý oryndary men TMD, Eýropa, Soltústik jáne Ońtústik Amerıka, Taıaý Shyǵys jáne Azıa elderindegi uıymdarǵa sheteldik issaparlar uıymdastyrady. Oqý ǵımarattary Almatynyń ekologıalyq taza jáne gúldengen aımaǵynda ornalasqan. Ýnıversıtet aýmaǵynda: Ó.A.Joldasbekov atyndaǵy stýdentter saraıy, ǵylymı kitaphana, ınternet ortalyǵy, sport kesheni men stadıon, sondaı-aq «Keremet» stýdentterge qyzmet kórsetý ortalyǵy ornalasqan.
Malıkova Sh.B.
Ál-Farabı atyndaǵy QazUÝ zań fakúltetiniń qylmystyq quqyq, qylmystyq is júrgizý jáne krımınalısıka kafedrasy qaýymdastyrylǵan profesory, z.ǵ.k.
Izbasova A.B.
Ál-Farabı atyndaǵy QazUÝ zań fakúltetiniń qylmystyq quqyq, qylmystyq is júrgizý jáne krımınalısıka kafedrasy, PhD doktory
Qasymbek Asemaı
Ál-Farabı atyndaǵy QazUÝ zań fakúltetiniń 1 kýrs magıstranty
