Tiri bolsam, qazaqqa qyzmet etpeı qoımaımyn!

Álıhan Bókeıhan

Saıası qýǵyn-súrgin qurbandaryn aqtaý: Jobalyq ofıstiń kadrlyq quramy kúsheıtildi

31 qańtar 2022 149
Saıası qýǵyn-súrgin qurbandaryn tolyq aqtaý boıynsha memlekettik komısıanyń qyzmetin qamtamasyz etý jónindegi Jobalyq ofıstiń kadrlyq quramy kúsheıtildi. Bul týraly QazAqparat Memlekettik komısıanyń Jobalyq ofısine silteme jasap habarlaıdy.

ıası qýǵyn-súrgin qurbandaryn tolyq aqtaý boıynsha memlekettik komısıa Qazaqstan Respýblıkasy Prezıdentiniń Jarlyǵymen 2020 jylǵy 24-qarashada quryldy. Ótken jyly aýqymdy uıymdastyrýshylyq-daıyndyq jumystary júrizildi. Atap aıtqanda, Qazaqstandaǵy saıası qýǵyn-súrgin qurbandarynyń negizgi sanattaryn jan-jaqty zertteý maqsatynda taqyryptyq baǵyttary boıynsha maqsatty toptardan quralǵan 10 Jumysshy toptary, 17 Aımaqtyq komısıalar quryldy, ádisteme ázirlendi, osyǵan deıin jabyq bolǵan fondtar men materıaldar ashylyp, kóptegen ister atqaryldy.

2021 jyly saıası qýǵyn-súrgin qurbandaryn tolyq aqtaý boıynsha uıymdastyrýshylyq-izdestirý kezeńi aıaqtaldy.

Ekinshi kezeńde jınaqtalǵan jáne kelip túsip jatqan materıaldardy, arhıvterdi jáne quqyqqorǵaý organdary men aımaqtyq komısıalar jınaǵan tájirıbelerdi suryptaý, taldaý úshin bilikti mamandar men ǵalymdar qajet bolady. Sáıkesinshe, bul kezeńde jınaqtalǵan materıaldardy tereń zertteý men júıeleý boıynsha tereń taldaý jumystaryn júrgizý kózdelýde. Bul baǵyttaǵy jumystar Jobalyq ofıstiń qyzmetkerlerinen belsendilikti, osyǵan saı daǵdylar men biliktilikti talap etedi.

Memleket Basshysynyń Jarlyǵyn oryndaý maqsatynda QR Premer-Mınıstri 2022 jylǵy 14-qańtarda Jobalyq ofıstiń kadrlyq quramyn kúsheıtý boıynsha ókim shyǵardy.

Memleket basshysynyń Saıası qýǵyn-súrgin qurbandaryn tolyq aqtaý boıynsha memlekettik komısıanyń aldyna qoıyp otyrǵan mindetterin oryndaýdyń joǵary deńgeıdegi jaýapkershiligine baılanysty Jobalyq ofıstiń kadrlyq quramyn Memlekettik komısıa jumysynyń búkil kezeńinde olardyń jalaqylary men barlyq áleýmettik tólemderin saqtaı otyryp, múddeli memlekettik organdardyń qyzmetkerlerimen, ǵylymı mekemeler men joǵary oqý oryndarynyń ókilderimen jańartý jáne kúsheıtý jumystary júrgizildi.

2022 jylǵy 31-qańtarda Nur-Sultan qalasyndaǵy Jobalyq ofıste jańa qurammen jınalys ótkizilip, onda Memlekettik komısıanyń Jobalyq ofısiniń jetekshisi S.A. Qasymov baıandama jasady. Jınalysqa Qazaqstan Respýblıkasynyń Prezıdenti Ákimshiliginiń İshki saıasat bóliminiń orynbasary V.V. Porýbaımeh, Sh.Ýálıhanov atyndaǵy Tarıh jáne etnologıa ınstıtýtynyń dırektory Z.E. Qabýldınov jáne Jobalyq ofıstiń jańa quramy qatysty. Jobalyq ofıstiń jańa quramy ózderiniń laýazymdyq mindetterine sáıkes jumysqa kiristi.

 
Bul maqala týraly ne oılaısyz?