Tiri bolsam, qazaqqa qyzmet etpeı qoımaımyn!

Álıhan Bókeıhan

Sáláfıler "Qańtar qyrǵynyn" sopylardyń moınyna ilip jibere me?

27 qańtar 2022 94




"Qańtar qyrǵyny" operasıasyn bastan-aıaq júzege asyrǵan Qazaqstan polısıasy elde júrgen Qyrǵyzstan azamattaryna shúıligýiniń sebebi, solardan "terrorshy jasaýǵa" qulshyna kirisýiniń sebebi aıqyndala bastady.



Qańtar qyrǵynyn Qazaqstanda ekstremıstik dep (2018 jyly) tanylǵan «Iaqyn Inkar» (Iaqyn - Qudaıǵa kózsiz, essiz, dálelsiz sený, ıaǵnı Qudaıǵa kózsiz senýge ińkár bolý) uıymyna ilip jibermek. Bárine kináli solar bolyp shyǵady.



«Tablıǵı Jamaǵat» atty uıym bar. Olardyń alyp bara jatqan qaq-soǵy joq, beıbit daǵýat aıtyp júredi. Biraq Qazaqstanda ekstremıstik dep tanylǵan. Bulardyń ortalyǵy - Úndistan men Pákistanda. Beıbit daǵýatshylar Qyrǵyzstanda da emin-erkin qaptap júredi.





Al «Iaqyn Inkar» sol uıymnyń soǵysqumar jaýyngerlik qanaty dep aıtylady. Olar Aýǵanstanda táliptermen tize qosyp áreket etip júr. Bul eki sopylyq uıymdy Túrkıadan shyqqan "Bozǵurttarmen" (boz- sur, qurt- qasqyr) salystyrýǵa bolady. "Bozǵurttardyń" ultshyl (pantúrkishil) qanatynyń múshelerine namaz oqysa da, oqymasa da bolady - "Turan odaǵy" ıdeıasyn bárinen joǵary qoıady. Al "Bozǵurttardyń" soǵysqumar jaýynger qanatynda bes ýaq namaz mindet. "Qarabaqty" azat etýge qatysqan solar. "Qańtar qyrǵynyna" baılanysty ustalǵan "Jabaıy Arman" "bozǵurttardyń" osy jaýyngerlik qanatymen ámpeı-jámpeı bop júrgen. Onyń ústine Balǵynbek Imashev, Bekbolat Tileýhan, T.Rysqulbekov, M.Tazabek sekildi sáláfılik kózqarastaǵy kisilermen ishki baýy baılasyp jatqanyn bilemiz. Namazhan "Jabaıy Armannyń" "eki qaıyqqa" qatar minip alýynyń sebebi osynda.



Ras, "daǵýatshylardyń", "ińkárshilerdiń" "bozǵurttarmen" mazhaby (hanafı), aqıdasy (matrýdı) birdeı. Al sáláfılerdiki múldem bólek. Bul jerde destrýktıvti uıymdardyń artqy qýysyna kimniń, qaısy eldiń jel úrlep otyrǵany da mańyzdy. Eger "Qańtar qyrǵynynda" Túrkıadan "issaparmen" Almatyǵa jiberilgen "Jabaıy Armannyń" arandatýshylyq róli erekshe desek, onda mynaý qan qasaptyń kúnásin Qyrǵyzstandaǵy "daǵýatshylar" men Aýǵanstandaǵy "ińkárshilerdiń" moınyna qalaı ilmemiz? Buǵan Aýǵanstandy bılep-tóstep otyrǵan "tálip" úkimeti ne deıdi? Tálipterdiń de mazhaby - hanafı, aqıdasy matrýdı ǵoı.

Oraz Álimbek, feısbýk paraqshasynan

Bul maqala týraly ne oılaısyz?