"Qurmetti halaıyq, armysyzdar! Biz Almaty oblystyq Súıinbaı atyndaǵy fılarmonıasynda 45 jylǵa jýyq jumys istep kelemiz. Eńbegimiz elenip memelekettik marapat ta aldyq. Endi oblystyq mádenıet basqarmasy men fılarmonıa basshylary bizdi jumystan shyǵyp, kıeli sahnany bosatyńdar degen talap qoıyp otyr. Sizderdiń pikirlerińiz qajet bolyp tur. Nurǵalı aǵamyz, Bıbigúl apaıymyz, basqada sahna sańlaqtary áli kúnge deıin óz ujymdarynda jumys istep ónerlerin pash etip júr. Fılarmonıamyzda bar-joǵy 4-5 respýblıkaǵa eńbek sińirgen óner qaıratkerleri barmyz, bárimizdi zeınetker dep sahnadan qýyp shyǵý ádildik pe? Keıingi ónerli jastarǵa oblysymyzdyń maqtan tutar betkeustar óner tarlandary dep úlgi etýdiń ornyna sahnadan ketińder degeni qanshalyqty durys dep oılaısyzdar? Bárimizdiń kásibı deńgeıimiz joǵary. Fonogram degendi qoldanbaımyz, saǵattap án salyp, kúı tartýǵa barmyz halyq úshin" dep jazypty.
Al Uljan Aınaqulova da óziniń uzaq jyl eńbek etken qarashańyraǵynan qýylyp jatqanyn aıtyp, janaıqaıyn bólisipti. Ol "Súıinbaı fılarmonıasynda dırektor inim "Ýpravlenıeden (joǵar jaqtan) pensıadaǵylar jumysty bosatsyn dep jatyr , 4-5 kúnde oryndalý kerek !" dedi. Qanat, Aıtkúl Qudaıbergenovterde bar. Jarty stavkide edik, onyda kóp kórdi me?! Óner adamyn tek óner adamy túsinedi! Ujymda 38 ánshi bar eken, tizimin kórermenge kórseter bolsa , kóp bolsa 7-8 ánshini tanyr. Men áriptesterime , jastarǵa topyraq shashpaımyn! Biz bir án aıtsaq ta halyqty jandyra alatyn Alladan bergen ónerimiz bar. Bizdiń óz ornymyz, salmaǵymyz bar ónerpazdar emespiz be?! Ónerden habary joq, adamshylyq qylyǵy joq, júregi múldem joq mádenıet basshysyna ne deıik?! Al keıbir tireýi bar zeınetker 1 jarym stavkidede isteı beredi. Zań nege bárine birdeı emes?!" dep jazdy.
Ónerge jastardyń kelgeni durys. Biraq aǵabýyn ónerpazdardyń jastarǵa úlgi kórsetip júrgenderi qaı salada bolsyn artyq bolmas.
Ermek KEMESHULY
