Jýrnalıs Sáýle Ábildahanqyzy "Talim tv" arnasynyń basshysy Muhamedjan Tazabekti qazaqtardyń Sırıaǵa ketýine kináli dep sanaıdy eken.
Bul týraly ol áleýmettik jelidegi paraqshasynda jazdy, dep habarlaıdy alash.press.
Muhamedjan Tazabek Facebook jelisinde "Keshe ǵana jastardy qozdyryp, otqa, oqqa aıdaǵandar, búgin solarǵa janashyr, qamqor bop shyǵa keldi. Ańqaý el áli arańdaýda... " degen jazba qaldyrǵan edi.
Muny kórgen Sáýle Ábildahanqyzy óz paraqshasynda Tazabekke aýyr aıyp taqty. Jýrnalıs "Muhamedjan, jyldar boıy qansha qazaqty shıetteı bala-shaǵasymen Sırıaǵa jiberdiń?" dep jazǵan.
Sáýleniń bul jazbasyna pikir qaldyrýshylar avtordyń oıyn qoldaıtynyn bildirdi. Tipti, bir oqyrman "Sol jerge baryp, ýaǵyz aıtpady ma? Hadıs oqymady ma? "Buzaqylyq jasaý, kisi óltirý, búldirý — kúná" dep aıtpady ma?" degen pikir qaldyrypty.
