Tiri bolsam, qazaqqa qyzmet etpeı qoımaımyn!

Álıhan Bókeıhan

Reseılik depýtattar Pýtındi satqyndyq jasady dep aıyptaýdy talap etti

09 qyrkúıek 2022 83
Sankt-Peterbýrgtegi «Smolnınskoe» mýnısıpaldyq qurylymynyń (MO) keńesi Memlekettik Dýmanyń depýtattaryn Reseı prezıdenti Vladımır Pýtındi Ýkraınaǵa qarsy soǵys bastaǵany úshin satqyndyq jasady dep aıyptaýǵa shaqyrý týraly sheshim qabyldady. Bul týraly 8 qyrkúıekte «Smolnınskoe» mýnısıpalıtetiniń depýtaty Dmıtrıı Palúga málimdedi, dep habarlaıdy “Adyrna”.

«Sheshimdi jınalǵan depýtattardyń kópshiligi qoldady», - dep jazdy Palúga.

Biraq qansha adam jaqtap daýys bergenin aıtpady. Sondaı-aq, ol Memlekettik Dýma depýtattaryna joldaý josparlanǵan sheshim men úndeý mátinderin jarıalady.

Úndeýde soǵysta «eńbekke jaramdy jas azamattar ólip, múgedek bolyp jatqany», Reseı ekonomıkasynyń basqynshylyqtarynan zardap shegip jatqany, Pýtınniń áreketiniń nátıjesinde Shvesıa men Fınlándıaǵa qosylý arqyly NATO blogynyń keńeıip jatqany basa aıtylǵan. Soǵys maqsattarynyń biri Ýkraınany demılıtarızasıalaý boldy. Biiraq 24 aqpannan beri Kıev 38 mıllıard dollarǵa jańa qarý aldy, delingen úndeýde.

"Prezıdent Pýtınniń ózin-ózi qorǵaýǵa kirisý týraly sheshimi Reseı men onyń azamattarynyń qaýipsizdigine zıan dep sanaımyz. Osyǵan baılanysty Memlekettik Dýmanyń depýtaty retinde sizden aıyp taǵylý týraly usynys engizýińizdi suraımyz.», - delingen qujatta.

Naýryzdyń basynda Smolnınskoe mýnısıpalıtetiniń depýtattary Pýtınge soǵysty toqtatyp, otstavkaǵa ketýge shaqyrǵan úndeý joldaǵan.



Bul maqala týraly ne oılaısyz?