18 jastan asqan, áskerge jaramdy jastardyń Otan aldyndaǵy boryshyn óteýge shaqyrý naýqany júrip jatyr. Kúzgi shaqyrylymnyń alǵashqy legi bolyp bolashaq shekarashylar da jolǵa shyqty. Keshe Almaty qalalyq Qorǵanys isteri jónindegi departamentinde «Kúz-2022» shaqyrylymynyń alǵashqy legin shyǵaryp salý rásimi ótti. Áskerı tehnıkalyq metkeptiń aýlasyndaǵy saltanatty sharada 19 bolashaq shekarashy sarbaz otan aldyndaǵy boryshyn óteýge attandy. Áskerge attandyrý sharasyna UQK Shekara qyzmetiniń ardagerleri, «Zastava tarlandary» respýblıkalyq qoǵamdyq birlestigi Almaty qalalyq fılıalynyń tóraǵasy, sapastaǵy general-leıtenant Marat Májıtov bastaǵan qart jaýyngerler otan qorǵaýshylarǵa aq jol tiledi.
Bir jyldyq merzimge áskerı boryshyn óteýge attanǵan sarbazdar Shekara qyzmetiniń Shyǵys Qazaqstan oblysy boıynsha departamentine qarasty Úrjar shekara basqarmasyna túsedi.
