Joldaýdan kóńilge túıgender

El Prezıdenti Qasymjomart Kemeluly Toqaevtyń búgingi Qazaqstan halqyna joldaýy el kóńiline qonymdy ári jaǵymdy jańalyqtarǵa toly boldy. Sonyń ishindegi eń erekshe reformalarynyń biri − ulttyq qordan óskeleń urpaqqa kámelet jasyna tolǵanǵa deıin bólinetin qarjylyq úlesi jaıynda.
«Eń birinshi, ulttyq qordyń paıdasynyń 50 paıyzyn 18-jasqa tolǵanǵa deıin árbir qazaqstandyq azamattyń jeke derbes shotyna aýdaram deýi - olardy bolashaqta bizdiń balalarymyzdyń bilim salasyna, baspana alý salasyna jumsaý múmkindigi degendi bildiredi. Bul endi Qazaqstan táýelsizdigin alǵannan beri kóterilip kele jatqan másele desem bolady. Arab eliniń mysalynda bárimiz osyny aıtyp ta júrdik, bizde osy qalaı bolady eken dep. Kishkentaı balanyń anasy retinde balabaqsha máselesin kótergeni de unady. Barlyǵyna endi bizdiń úkimetimiz keshendi túrde, jyldam, naqty nátıje beretin is-qımyldardy ázirlep, usyna alady dep senemin», - deıdi ál-Farabı atyndaǵy QazUÝ Qazaqstan tarıhy kafedrasynyń dosenti Meńdigúl Noǵaıbaeva.
Abaı atyndaǵy QazUPÝ Qazaqstan halqy Assambleıasy kafedrasynyń mamany Gúlden Jasharalına Prezıdenttiń jaqynda halyqqa joldaǵan Joldaýyna qatysty pikir bildirdi.
«Ýnıversıtettiń oqytýshylaryn jáne de memlekettik mekemelerdi jumys jasaıtyn pedagogtardyń bes jyl saıyn ǵana emes, úsh jyl saıyn akkredıtatsıalaý, ıaǵnı biliktiligin arttyryp otyrýyn jańartý kerektigin de atap kórsetken bolatyn. Bul degenimiz memlekettegi jastarǵa muǵalimderdiń jańa bilimdi ár jyl saıyn jańa túrde, jańa formada berýin qamtamasyz etip otyrýdyń anyq kórsetkishi dep aıtsaq bolady», - deıdi ol.
Gúlden Jasharalına Joldaýda aıtylǵan mindetterdiń bári el bolashaǵyna jol ashady degen senimde.
«Sonymen qatar balabaqshany da akkredıtatsıalaý máselesine kelip toqtatalatyn bolsaq, tek qana balabaqshany ǵana emes, sonyń ishinde tárbıeshini jekeleı túrde akkredıtatsıalaý máselesine anyq túrde toqtalǵan bolatyn. Prezıdentimizdiń búgingi joldaýynda kórsetken, atap aıtqan naqty joldamalarynyń barlyǵy aldaǵy tańda bizdiń memleketimizdiń joǵary deńgeıde ósip, jarqyn bolashaqqa jol ashatynyna senimim mol», - deıdi Abaı atyndaǵy QazUPÝ Qazaqstan halqy Assambleıasy kafedrasynyń mamany Gúlden Jasharalına.