Tiri bolsam, qazaqqa qyzmet etpeı qoımaımyn!

Álıhan Bókeıhan

Reseıdiń kesiri. 18 mıllıon adam ashtyqqa ushyraıdy

29 mamyr 2022 85
[ad_1]



Reseı Ýkraınaǵa basyp kirgennen keıin týyndaǵan azyq-túlik tapshylyǵy, onyń qymbattyǵy jáne tyńaıtqysh tapshylyǵynan álemde ashtyqqa ushyraıtyndar 18 mln-ǵa kóbeıip, 218 mln-ǵa jetedi. Bul álem halqynyń shamamen úsh paıyzy. Italıanyń Corriere della Sera basylymyna bergen suhbatynda BUU ókili Maýrısıo Martına osylaı dep málimdedi.

"Daǵdarys bastalǵanǵa deıin 2021 jyly álemde ashtyqqa ushyraǵandar artyp, 200 mln-ǵa jetken. Olar álemniń 53 elinde turady. Qazirgi qaqtyǵys ashtyq jaǵdaıyn onan saıyn ýshyqtyrady" dedi Martına.

BUU boljamy boıynsha, Ýkraına porttarynda 6 mln tonna astyq jáne shamamen 14 mln tonna júgeri turalap qalǵan. 55 damyǵan eldiń keminde 36-y Ýkraına jáne Reseı bıdaıyna táýeldi.

Martınanyń aıtýynsha, BUU Ýkraına astyǵy men júgerisin Rýmynıaǵa júk kóligimen jetkizý máselesin qarastyryp jatyr. Ol jaqtan astyq Dýnaı arqyly jóneltiledi. Alaıda ony soǵysqa deıin tasymaldanǵan astyq kólemimen salystyrýǵa kelmeıdi.

BUU Dúnıejúzilik azyq-túlik baǵdarlamasynyń dırektory Devıd Bızlı osyǵan deıin Ýkraınadaǵy daǵdarysqa baılanysty álemde ashtyqqa ushyraǵandar 276 mıllıonnan 323 mıllıonǵa jetedi dep boljaǵan.



[ad_2]

Derekkóz
Bul maqala týraly ne oılaısyz?