Tiri bolsam, qazaqqa qyzmet etpeı qoımaımyn!

Álıhan Bókeıhan

Arystanbek Muhamedıuly 146 mln teńge jymqyrǵan

29 mamyr 2022 79
[ad_1]



Sybaılas jemqorlyqqa qarsy is-qımyl agenttigi Ulttyq mýzeıdiń dırektory Arystanbek Muhamedıulynyń qamalǵanyn rastady. Vedomstvonyń habarlaýynsha, 28 mamyrda sot ony qamaýǵa ruqsat bergen.

"Sybaılas jemqorlyqqa qarsy is-qımyl agenttiginiń Nur-Cultan qalasy boıynsha departamenti "Altyn adamnyń álem mýzeılerine sherýi" halyqaralyq kórmesin ótkizýge qatysty júrgizilgen memlekettik satyp alý týraly shart aıasynda 146 mln teńge búdjet qarajatynyń jymqyrylýyna baılanysty Ulttyq mýzeıdiń laýazymdy tulǵalary jáne basqa da tulǵalarǵa qatysty sotqa deıingi tergep-tekserýdi júrgizedi" dep jazylǵan agenttiktiń 29 mamyr kúngi habarlamasynda.

Vedomstvo tergeý qupıalylyǵyna baılanysty qalǵan aqparat jarıalanbaıtynyn aıtty.

Ulttyq mýzeı dırektory, burynǵy mádenıet jáne sport mınıstri Arystanbek Muhamedıuly men Ulttyq mýzeıde tintý bolǵany jóninde aqparat 16 mamyrda shyqqan. Keıin eks-mınıstrdiń "sýısıd jasaǵany" jaıly aqparat tarady, biraq onyń kómekshileri bul aqparatty joqqa shyǵardy. Artynsha eks-mınıstr prezıdent Qasym-Jomart Toqaevqa úndeý jasap, jemqorlyqpen kúres agenttiginiń ózine qatysty tergeý bastaǵanyn rastap, istiń astary týraly boljamyn aıtqan. Buǵan deıin sybaılas jemqorlyqqa qarsy is-qımyl agenttigi ulttyq mýzeıdiń laýazymdy tulǵalary 146 mln teńge qarajatty urlady degen kúdikke ilinip otyrǵanyn habarlaǵan.

Osy apta sońynda Muhamedıulynyń Nur-Sultandaǵy ýaqytsha qamaý ızolátoryna qamalǵany aıtyldy.



[ad_2]

Derekkóz
Bul maqala týraly ne oılaısyz?