Reseı prezıdenti Vladımır Pýtın qazirdiń ózinde dúnıeden ozdy nemese jaqyn arada qaıtys bolady. Kreml ony klonmen aýystyrdy jáne onyń ólimin uzaq ýaqyt boıy jasyrýǵa tyrysady.
Bul týraly Daily Star brıtan «MI6» barlaý qyzmetindegi aqparat kózderine silteme jasap habarlady.
Vladımır Pýtın qaıtys bolǵan bolýy múmkin. Óıtkeni MI6 derekkózderi onyń ornyna uqsas adam kelýi múmkin dep málimdeıdi.
Basylymnyń málimetinshe, brıtandyq barlaý Reseı prezıdentiniń aýyr syrqaty týraly aıtyp jatyr. Eger Pýtın áldeqashan ólse, onyń qol astyndaǵylar ony búkil álemnen jasyrýǵa tyrysady.
Daily Star basylymy derekkóziniń aıtýynsha, Pýtınniń sońǵy sóılegen sózderi aldyn ala jazylǵan bolýy múmkin. Oǵan qosa, 9 mamyrda Máskeýde ótken sherý sıaqty kópshilik sharalarda Pýtınniń ózi emes, onyń klondary bolýy múmkin.
«Pýtın qatty aýyryp jatyr jáne ol qaıtys bolǵan kezde onyń ólimi aılar bolmasa, aptalar boıy qupıa saqtalady… Onyń ólgen bolýy da múmkin. Ony bilý múmkin emes. Ol ózin nashar sezindi, al Kreml muny jasyryp qala alady» dedi brıtandyq barlaý qyzmetindegi derekkóz.
Sondaı-aq, muny Pýtınniń ózine tolyqtaı adal joǵary laýazymdy sheneýnikterdi basqaratyny habarlandy. Pýtınniń óliminen ondaı qolbasshylar qatty qorqady. Kremlde tóńkeris bastalyp, reseılik generaldar Ýkraınadaǵy soǵys qımyldaryn toqtatady.
«Pýtınniń ólimi olardy dármensiz jáne osal etedi. Sondyqtan olar Pýtın tiri dep aıtýǵa múddeli, al shyn máninde bul kerisinshe bolýy múmkin» dep qosty derekkóz.
Derekkóz
