Tiri bolsam, qazaqqa qyzmet etpeı qoımaımyn!

Álıhan Bókeıhan

Reseı «terorıstik memleketter» qataryna qosyldy

11 mamyr 2022 119




Lıtva parlamenti Reseıdi biraýyzdan «terorıstik memleket» dep tanydy.





Delfi basylymynyń habarlaýynsha, 10 mamyrda Lıtva Seımi Ýkraınadaǵy «áskerı operasıaǵa» baılanysty Reseıdi «terorızmdi qoldaıtyn jáne júzege asyratyn memleket» dep esepteıtin qarar qabyldady. Parlament depýtattary qararǵa biraýyzdan daýys berdi – 128 daýys.







Lıtva parlamenti áskerı operasıany «ýkraın halqynyń genosıdi» dep atady. Sondaı-aq, el halyqaralyq qaýymdastyqty Reseıdiń Ýkraınaǵa qarsy áreketterin tekserip, baǵalaıtyn arnaıy qylmystyq trıbýnal qurýǵa shaqyrdy. Bul trıbýnal halyqaralyq tutqynǵa alý orderlerin shyǵarýǵa quqyly bolýy kerek. Sonymen birge, memleket basshylarynyń, úkimetterdiń jáne basqa da sheneýnikterdiń ımýnıtetin alyp tastaý kerek, delingen qararda.





«Qarýly kúshteri bombalaý úshin azamattyq nysandardy qasaqana jáne júıeli túrde tańdaıtyn Reseı Federasıasy terorızmdi qoldaıtyn jáne júzege asyratyn memleket» delingen qujatta.





Eske salsaq, 24 aqpanda Vladımır Pýtın Ýkraınany «demılıtarızasıalaý» jáne «denazıalandyrý» boıynsha áskerı operasıa bastaǵan.








Derekkóz
Bul maqala týraly ne oılaısyz?