Tiri bolsam, qazaqqa qyzmet etpeı qoımaımyn!

Álıhan Bókeıhan

Ýkraınanyń birinshi prezıdenti Leonıd Kravchýk qaıtys boldy

11 mamyr 2022 142
[ad_1]



Ýkraınanyń birinshi prezıdenti Leonıd Kravchýk 89 jasynda qaıtys boldy. Saıasatkerdiń otbasyna súıengen "Ýkraınskıe novostı" agenttigi 10 mamyrda osylaı dep habarlady.


Keıbir ýkraınalyq saıasatkerler seısenbi kúni aqparatty rastady. Depýtat Irına Gerashenko Telegram-arnasynda Kravchýktiń kóz jumǵanyn jazdy. Kravchýk uzaq ýaqyt aýyryp, syrqattan qaıtys boldy dep aıtylady.


Burynǵy saıasatker byltyr aýyr júrek operasıasyn basynan ótkergen. Ol odan keıin uzaq ýaqyt komada bolǵan. Keıin Múnhen klınıkasynda reabılıtasıadan ótti. 2017 jyly mamyrda qan aınalym júıesin jaqsartý maqsatynda arnaıy em qabyldaǵan.


Leonıd Kravchýk 1991-1994 jyldar aralyǵynda Ýkraınany basqarǵan. Ol Reseı prezıdenti Borıs Elsın, Belarýs basshysy Stanıslav Shýshkevıchpen birge Sovet odaǵyn taratyp, onyń ornyna Táýelsiz memleketter dostastyǵyn (TMD) qurý týraly "Belovej kelisimine" qol qoıǵan. Belarýstiń burynǵy basshysy Stanıslav Shýshkevıch te birneshe kún buryn qaıtys bolǵan.


2020 jyly shilde aıynda Leonıd Kravchýk Ýkraına shyǵysyndaǵy qaqtyǵysty retteý jónindegi delegasıaǵa jetekshilik etken.







[ad_2]

Derekkóz
Bul maqala týraly ne oılaısyz?