Tiri bolsam, qazaqqa qyzmet etpeı qoımaımyn!

Álıhan Bókeıhan

"Qýandyq Bıshimbaev pen onyń advokattary arýaqty qorlaýdan shoý jasady" - jýrnalıs Ásıa Baǵdáýletqyzy

03 sáýir 2024 157
Jýrnalıs, kınosynshy Ásıa Baǵdáýletqyzy Qýandyq Bıshimbaev isine qatysty bolyp jatqan sot otyrysyn synǵa alyp,quqyq qorǵaýshylardyń is-áreketin aıyptady, dep habarlaıdy Alash.KZ ulttyq portaly. 
 
Jýrnalıs, tanymal kınosynshy óziniń áleýmettik jelidegi jazbasynda Bıshimbaev isine qatysty sot otyrysyn saraptap, otyrystyń kereǵarlyǵyn Izraıldiń Palestınaǵa jasap otyrǵan qysymyna teńedi.
Qýandyq Bıshimbaev pen onyń advokattary arýaqty qorlaýdan shoý jasady. Qorlatyp qoıyp bárimiz qarap otyrdyq. Bıshimbaevtyń soty - eldegi moraldyq jaǵdaıdyń lakmýs qaǵazy ispetti. Qandaı sheshim shyǵarylsa da bul iske áli talaı oralamyz. Sondyqtan pikirim birjaqty bolmasyn, jurttyń konteksten julyp alyp aıtyp jatqan sózine erip ketpeıin dep sot isin basynan bastap muqıat tyńdap kelemin. Búgin aıyptalýshy óz narratıvin satpaq boldy. Sol úshin ózin asa sabyrly, rasıonal, aqyldy, meıirimdi (perishte me dersiń), al ózi uryp óltirgen jaryn alqash, psıhıkalyq aýytqýy bar, kóńil-kúıi qubylmaly, turaqsyz bolǵan dep kórsetýi, tipti jastaıynan otbasyly erkektermen aqsha úshin kóńil qosqan degen jalasy - sonyń bárin aıtyp turǵan aýyzdyń qanshalyqty arsyz ekeniniń ǵana dálelindeı áser etti. Aıtqan sózinde dálel de, dáıek te joq. Sál bolsa, "ol meni uratyn, qorǵaný úshin óltirdim" deýge daıyn tur. (Marqumǵa qol kótergeniniń dáleli bar eki jaǵdaıdy ǵana moıyndap tur, amalsyz). Internetti kezgen, shybyqtaı áıelin shapalaqpen qulatyp, qulaǵan jerinen turǵyzyp alyp turyp sabap jatqany qaıda qaldy? Búkil el kórip otyr ǵoı, - dedi jýrnalıs.
Keıinnen avtor jaýyzdyqty aıyptasa da, kóp jaǵdaıda qareketsiz qalatyn "adam tabıǵatyna" toqtaldy:
Týra Izraıldiń Palestınaǵa jasap otyrǵan gazlaıtıngi sıaqty. Jaýyzdyqty aıdaı álem kórip otyr, al kúsh kórsetýshi ózin qurban (vıktım) retinde kórsetip álek. Jamanatty qylyp jatqan adamy jaýap bere almaıtyny qandaı yńǵaıly. "Joq, olaı bolǵan joq, bylaı boldy" dep aıtatyn adamnyń kózin qurtyp, ekeýi ǵana bilýge tıis jaǵdaılardy quıqyljyta sıpattaý qandaı ońaı. Árıne, "Maǵan Saltanat ózi aıtty, ózi búıdedi, ózi sóıdedi" dep ońdy-soldy saıraı beredi, shyn aıtty ma, munysy shalyqtaǵan qıal ma - eshkim dáleldeı almaıdy...Qysqasy, jaratqan bárimizdi osyndaılardan saqtasynshy. Ómirde sondaı arsyzdyq bar ekenin bilý qandaı qorqynyshty edi, - dep jazdy avtor.
 
Bul maqala týraly ne oılaısyz?