Tiri bolsam, qazaqqa qyzmet etpeı qoımaımyn!

Álıhan Bókeıhan

"Qazaqstandyqtardyń derekterin taratqan". «Qazaqtelekom» men Air Astana jaýapqa tartyldy

01 sáýir 2024 235

«Qazaqtelekom» jáne Air Astana qyzmetkerleri qazaqstandyqtardyń derekterin taratqany úshin jaýapqa tartyldy.

16 aqpanda belgisiz bireýler GitHub resýrsynda qazaqstandyqtardyń 2019-2022 jyldardaǵy jeke derekteri kórsetilgen hakerler toptarynyń biriniń materıaldaryn jarıalap jibergen bolatyn.

Jarıalanǵan aqparatta qazaqstandyq baılanys operatorlarynyń abonentteri týraly resmı aqparattary bar, sonymen qatar «Qazaqtelekom» AQ, «Biryńǵaı jınaqtaýshy zeınetaqy qory» AQ, «Eır Astana» AQ ataldy.

Mınıstrlik Ulttyq qaýipsizdik komıtetimen jáne «Memlekettik tehnıkalyq qyzmet» AQ-pen birlesip, ınfraqurylymynda jańa ymyraǵa kelý faktileri anyqtalmaǵan uıaly baılanys operatorlarynyń aqparattyq qaýipsizdiginiń jaı-kúıine taldaý júrgizdi. Búginde kompanıalardy otandyq aqparattyq qaýipsizdik operasıalyq ortalyqtary qorǵaıdy.

Sonymen qatar mınıstrlik «Qazaqtelekom» AQ, «Biryńǵaı jınaqtaýshy zeınetaqy qory» AQ, «Eır Astana» AQ-qa qatysty aqparattyq qaýipsizdik talaptaryn saqtaý boıynsha jospardan tys tekserýler júrgizdi.

Nátıjesinde 2 zańdy tulǵa – «Qazaqtelekom» AQ, «Eır Astana» AQ Qazaqstan Respýblıkasynyń «Ákimshilik quqyqbuzýshylyq týraly» Kodeksiniń 641-baby 1-bóliginiń 2-tarmaǵymen ákimshilik jaýapkershilikke tartylyp, buzýshylyqtardy joıý úshin bir jyl merzimge nusqama berildi. «BJZQ» AQ boıynsha buzýshylyqtar anyqtalǵan joq, – delingen mınıstrlik habarlamasynda.

Qazir atalǵan uıymdardyń aqparattyq-kommýnıkasıalyq ınfraqurylymy aqparattyq qaýipsizdik ınsıdentterin anyqtaý jáne boldyrmaý maqsatynda táýlik boıy monıtorıńte turǵanyn atap ótken jón.

Ese sala ketsek, osyǵan baılanysty jeke derekteriniń qupıalylyǵy buzylǵan 1 400-den asa azamat mınıstrlikke shaǵym túsirgen bolatyn.

Bul maqala týraly ne oılaısyz?