Tiri bolsam, qazaqqa qyzmet etpeı qoımaımyn!

Álıhan Bókeıhan

Qyzmetkerlerine 30 mln syıaqy jazdyryp, mol qarjyny ózi ıemdengen kolej dırektory sottaldy

18 mamyr 2024 370

Mańǵystaý oblysy, Beıneý gýmanıtarlyq kolejiniń dırektory búdjet aqshasyn iri  kólemdegi aqshasyn ıemdendi degen aıyppen sottaldy.  Bul jaıly Alash.KZ ulttyq portaly Massaget.kz silteme jasaı otyryp habarlaıdy.

Sotta onyń 2022 jylǵy jeltoqsan jáne 2023 jylǵy tamyz aılary aralyǵynda qyzmetkerlerge syıaqy berý týraly buıryqtar shyǵarǵany anyqtaldy. Sottalýshy tikeleı kadr bólimi basshysyna naqty qandaı qyzmetkerlerge syıaqy berý jáne onyń mólsheri týraly buıryqtar rásimdeý týraly aýyzsha nusqaý bergen.

"Kolej qyzmetkerleriniń birqatary syıaqy retinde óz esepshottaryna aýdarylǵan aqshalaı qarajattarynyń bir bóligin sottalýshy J-ǵa qolma-qol, al birqatary kolej býhgalteri arqyly qaıtarǵan. Saldarynan sottalýshy J kolejdiń búdjettik qarajatynan 29 550 929 teńgeni zańsyz ıemdengen", – delingen habarlamada.

Sot jaza taǵaıyndaý kezinde jaýaptylyq pen jazany jeńildetetin mán-jaılar retinde sottalýshynyń óz kinásin moıyndaýyn, shyn ókinýin, keltirgen múliktik zalaldy tolyq óteýin, asyraýynda jas balasynyń baryn eskergen.

"Sottalýshy J QR QK-niń 189-baby 4-bóligi 2-tarmaǵymen kináli dep tanylyp, oǵan memlekettik qyzmette qyzmet atqarý quqyǵynan ómir boıyna aıyra otyryp, 7 jylǵa bas bostandyǵynan aıyrý jazasy taǵaıyndaldy. QR QK-niń 74-babyna sáıkes, asyraýynda jas balanyń bolýyna baılanysty taǵaıyndalǵan jazanyń oryndalýy 4 jyl merzimge keıinge qaldyrylǵan. Úkim zańdy kúshine engen joq", – delingen habarlamada.
Bul maqala týraly ne oılaısyz?