Tiri bolsam, qazaqqa qyzmet etpeı qoımaımyn!

Álıhan Bókeıhan

"Ózbek tilin bilý kerek": Ózbekstanda memlekettik qyzmetkerlerge jańa talap qoıyldy

14 mamyr 2024 505

Zań shyǵarý palatasynyń vıse-spıkeri, «Mıllıı tıklanısh» partıasynyń tóraǵasy Álisher Qadyrov ózbek tilin bilmeıtin otandastarǵa memlekettik qyzmet kórsetýge tyıym salýdy jáne olardy memlekettik qyzmetke qabyldamaýdy usyndy, dep habarlaıdy alash.kz saıty Podrobno.uz materıalyna silteme jasap.

Qadyrov Reseı Memlekettik Dýmasynyń spıkeri Vácheslav Volodınniń Reseıge jumys isteýge keletin eńbek mıgranttary orys tilin bilýi kerek degen pikirimen kelisedi.

«Biraq bul Ózbekstanda turatyn orystar ózbek tilin bilmeýi kerek degendi bildirmeıdi!» dep jazdy saıasatker óz sózinde.

Ol Ózbekstanda turatyn barlyq ulttyń azamattary ózbek tilin bilýge ​​mindetti ekenin basa aıtty.

«Bizdiń zańdarymyzda ózge ult ókilderiniń ana tili men qundylyqtaryn balabaqsha men mektepte oqýyna jaǵdaı jasaýmen qatar, ózbek tili mindetti dep belgilenýi tıis», - dep esepteıdi Qadyrov.

Bul maqala týraly ne oılaısyz?