Abaı oblysynda bir apta buryn iz-túzsiz joǵalǵan qyz óli tabyldy, dep habarlaıdy Alash.kz aqparat portaly KTK telearnasyna silteme jasap.
30 jastaǵy Dınara Dosymbekovany óltirdi degen kúdikpen týǵan anasy qamaýǵa alyndy. Marqum 26 mamyr kúni joǵalyp ketken. Onyń iz-túzsiz joǵalǵanyn aıtyp, anasy polısıaǵa aryz túsiripti.
Tipti aýyldan Semeı qalasyna barmaq bolyp, "Qyzym taksıge minip ketti" dep ótirik málimet bergen dep jazdy Skifnews.kz. Alaıda polıseıler beınebaqylaý kameralaryn túgel tekserip, joǵalǵan áıeldi tappady.
Tek bir aptadan keıin óz qyzyn óltirip, máıitin jasyrdy degen kúdikpen týǵan anasy ustaldy. Qazir kúdikti qamaýǵa alynyp, tergeý júrgizilip jatyr.
Polısıa qyzmetkerlerimen qabyldanǵan sharalardyń nátıjesinde 30 jastaǵy qyzdyń joǵalyp ketý mán-jaıy anyqtaldy. Kisi óltirý faktisi boıynsha sotqa deıingi tergeý bastaldy. Kúdikti áıel qamaýǵa alyndy. Tergeý júrgizilip jatyr, saraptamalar taǵaıyndaldy, - dedi Abaı oblysy polısıa departamenti bastyǵynyń orynbasary Eldos Zákimov.
