Tiri bolsam, qazaqqa qyzmet etpeı qoımaımyn!

Álıhan Bókeıhan

"Dýman Muhamedkárim, Aıgerim Tileýjan, Marat Jylanbaev túrmede shirip jatyr". Jeltoqsanshy narazylyq bildirdi

31 mamyr 2024 325

Búgin Almatyda saıası qýǵyn-súrgin jáne asharshylyq qurbandaryn eske alýǵa arnalǵan is-sharada jeltoqsanshy Saǵıla Shámshabaeva «betke aıtqannyń bári túrmede shirip jatyr, Qazaqstanda qashan demokratıa bolady?» dep, óz narazylyǵyn bildirdi, dep jazady Alash.kz

 

Jıyn barysynda tarıh ǵylymdarynyń doktory, akademıa Hangeldi Ábjanov qýǵyn-súrgin jaıly sóılep, ótken ǵasyrda halyq qalaı qýǵyndalǵany jóninde sóz sóılegen. Sóz arasynda profesor osyndaı jaıttar qaıtalanbasyn dep tilek bildirgen. Osy kezde onyń sózin jeltoqsanshy Saǵıla Shámshabaeva bóldi deıdi Ulysmedia.kz.

«Qaıtalanbasyn deıdi. Nege qaıtalanbaıdy? Bizdiń betke aıtqan jýrnalıser, batyrlarymyzdyń bári – Dýman Muhamedkárim, Aıgerim Tileýjan, Marat Jylanbaev túrmede shirip jatyr. Ótken kúndi aıtamyz. Óli rıza bolmaı, tiri baıymaıdy deıdi. Durys! Eske alý kerek. Azattyq keldi deıdi. Qaı jaqtyń azattyǵy? Jylap-eńirep jatyr, halyq degen qaıyrshy. Osyndaı baılyqtyń ústinde otyryp. Jeltoqsan, Jańaózen, Qańtar – qanshama adamdy qyryp tastady», - dedi ol.

Jeltoqsanshy prezıdentke jaǵympazdanýdy qoıýǵa shaqyrdy.

«Toqtatyńdar ótirik sóılegendi! Qazaq qaıyrshy. Túgel úısiz-kúısiz. Nege munda kelip alyp, jyltyr sóıleısińder?» - dedi Saǵıla Shámshabaeva.

Onyń sózin akademık «búgin basqa taqyryp» dep bólmek bolǵany kórinedi. Jeltoqsanshyny mańaıyndaǵy adamdar sabyrǵa shaqyrady.

Bul maqala týraly ne oılaısyz?