Balalarǵa arnalǵan telearna – Balapan-dy osy ýaqytqa deıin birneshe adam basqardy. Bir qyzyǵy, olardyń bári áıelder eken. Osy oraıda belgili telejýrnalıst Danıar Esen óziniń facebook-paraqshasynda telearna basshylyǵyna ózin usynyp jatyr, dep jazady Alash.kz.
«Balapan» arnasyn osy ýaqytqa deıin tek hatýn-qyzlar basqarypty: Janar Shámel, Láıla Sultanqyzy, Maqpal Jumabaı, Qymbat Dosjan, Indıra Tursynbaı. Árıne, árqaısysynyń óz orny bar dep jazdy,Ulysmedia.kz.
Biraq nege elimizdegi jalǵyz balalar arnasyn tek áıelder basqarǵan? Sonda er azamattardyń bala tárbıesine qatysy joq pa? Onsyz da bilim salasynda - áıelder, bala júrgen jerdiń bárinde - áıel.
Bala tárbıesine jaýapty bolyp, otbasyn sútteı uıytyp otyrǵan qanshama Áke, erkek bar. Bala tárbıesine tek áıel ǵana emes, Áke de jaýapty, - deıdi Danıar Esen.
Osy oraıda, telejýrnalıst «naǵyz taý qoparatyn jasta» ekenin, Balapan telearnasyn basqarýǵa bilimi men qabileti jetetinin aıtty.
Balalar men jasóspirimder taqyrybynda jazyp júrgenime jeti jyldan asty. Bul týraly Instagramdaǵy oqyrmandarym jaqsy biledi. Tipti, bireýler maǵan «Qazaqtyń Shalva Amanashvılıi» dep at qoıyp alypty.
Maqtanǵanym emes, bala tárbıesine atsalysyp júrgen az ǵana Ákeniń birimin. «Ákeler odaǵy» tóraǵasynyń orynbasary boldym. Balanyń tilin men sıaqty túsinetin Áke az.
«Balapan» telearnasyn basqarýǵa meniń qabiletim de, bilimim de jetedi.
«Qazaqstan» teleradıokorporasıasyna bóten emespin. 20 jylym osy korporasıada ótti.
Osy ýaqytqa deıin basshylyq qyzmetterge meniń kandıdatýram qaralǵanda, «Danıardyń minezi jumsaq» dep aıtady eken. Másele jumsaqtyqta emes, biliktilikte dep bilemin. Onyń ústine, agresıa qaptaǵan bizdiń qoǵamda jetispeı turǵany - sol gýmanızm men kásibılik emes pe?
Ideıa kóp. Naǵyz taý qoparatyn jastamyn. Keremet kontent usynar edim, - dedi D. Esen.
