Qazaqstandyqtar telefonyna habarlandyrý aldy. Bul tótenshe jaǵdaı týraly eskertetin júıe, - dep habarlaıdy Alash.kz saıty Massaget.kz materıalyna súıenip.
Almatyda 31 mamyrda saǵat 12:00-de Mass Alert - TJ týraly qulaqtandyrý júıesi synaqtan ótti.
Birinshi kezeńde – 31 mamyrdan bastap júıe Android qurylǵylaryn paıdalanýshylar úshin iske qosyldy.
Saǵat 12:00-de Android mobıldi qurylǵylardy paıdalanýshylarǵa qazaq, orys jáne aǵylshyn tilinde - "Alańdamańyzdar. Halyqty habardar etý júıesine tekserý júrgizilýde. Ne bespokoıtes. Provodıtsá proverka sıstemy opoveshenıa naselenıa. Remain calm. The public alert system is being tested", - degen habarlama kelip tústi.
Ekinshi kezeńde iOS qurylǵysynyń paıdalanýshylary júıege qosylady.
Mass Alert júıesiniń SMS-ke qaraǵanda birqatar artyqshylyǵy bar. Habarlama mobıldi operator jelisine qosylǵan, sondaı-aq jeke tańdalǵan geografıalyq aımaqtaǵy barlyq abonentke keledi. Sonymen qatar, júıe jelilerdiń shamadan tys júktelý jaǵdaıynda jumys isteıdi. Cell Broadcast tehnologıasynyń basty artyqshylyǵy, qamtý aımaǵyndaǵy barlyq abonentti birden ári jappaı eskertedi.
Sondaı-aq, Mass Alert-ti Almaty TJD jer silkinisi týraly erte qulaqtandyrýdyń avtomatty júıesimen biriktirý josparlanǵan.
