Qazaqstan Respýblıkasy Parlamenti Senatynyń tóraǵasy Máýlen Áshimbaev reseılik sheneýniktiń Qazaqstan týraly aıtqan pikirine jaýap berdi, dep habarlaıdy, Alash.kz ulttyq portaly.
Reseı memlekettik dýmasynyń vıse-spıkeri, depýtat Petr Tolstoı "Komsomolskaıa pravda" radıosynyń tikeleı efırinde Ýkraına týraly suraqqa jaýap berip, Qazaqstan, Armenıa elderiniń atyn ataǵan.
«Bizdiń aınalamyzda másele tolyp jatyr. Biraq, bári Ýkraınanyń máselesi qalaı sheshiledi eken dep kútip otyr, baqylap otyr. Sondyqtan, biz Ýkraına taqyrybyn jappasaq, Qazaqstanmen, Armenıamen, bizdi qorshap otyrǵan ózge de eldermen másele týyndaýy múmkin», - degen edi Tolstoı.
Máýlen Áshimbaev bul pikir tutas ulttyń emes, jalǵyz adamnyń pikiri ekenin alǵa tartty.
«Men ol kisiniń málimdemesin ózim tyńdaǵan joqpyn, biraq, áriptesterimnen estidim. Tyńdaǵan soń pikir bildire alamyn. Biraq, buny Memlekettik dýmanyń (Reseı parlamentiniń – red) pikiri dep emes, bir adamnyǵń pikiri dep qabyldaý kerek», - dedi Áshimbaev.
