«Ǵylym ordasy» ǵylymı kitaphanasyndaǵy qundy qoljazbalar joıylýdyń aldynda tur. Bul týraly Májilis depýtattary málimdedi.
Depýtat Ardaq Nazarovtyń aıtýynsha, kitaphana qoryndaǵy Hİİ-HVİİİ ǵasyrlarǵa tıesili qundy jádigerler áli basylyp shyqpaǵan.
Kitaphana qoryndaǵy Hİİ-HVİİİ ǵasyrlar arasyn qamtıtyn qundy muralar, ál-Farabı, Álisher Naýaı, Abaı Qunanbaıuly, Máshhúr Júsip Kópeıuly, Shoqan Ýálıhanov, Muhtar Áýezov, Ábýbákir Dıvaev, Álkeı Marǵulan syndy iri tulǵalardyń qoljazbalary, Abylaı hannyń haty, 3 metrlik orama matada jazylǵan «Qazaq handarynyń shejiresi», 12-ǵasyrda buzaý terisine jazylǵan 26 metirlik «Táýrat» kitabynyń qoljazbasy saqtalǵan. Odan bólek, 20 myńnan asa qundy qoljazba bar. Olardyń kóbi áli kitap bolyp basylyp shyqpaǵan, dedi Nazarov.
Sonymen qatar ol, kitaphanaǵa qarjy bólinbeıtinin, saldarynan maman tapshy ekenin alǵa tartty.
Osydan 30 jyl buryn Ortalyq ǵylymı kitaphanada 305 qyzmetker jumys istegen bolsa, qazir 32 maman ǵana qyzmet etedi. Maman turaqtamaıdy, mardymsyz jalaqyǵa eshkim kelmeıdi. 30-40 jyldan beri qyzmet etip kele jatqan óte tájirıbeli kitaphanashylardyń ózi 100 myń teńgeniń tóńireginde ǵana aılyq alady!.. Al kitaphanada atqarylatyn jumystar shash etekten. Kezinde 300-den astam maman istegen jumysty bas-aıaǵy 30-ǵa da jetpeıtin qyzmetkerler qalaı atqarsyn?!. Maman tapshylyǵyna baılanysty kitaphananyń elektrondy katalogy tolyq jasalmaı otyr. Qazir 30% qor elektrondy katalogqa endi, 70% qordy oqyrmandar qaǵaz jáshikterden kitaphanaǵa kelip qana qaraı alady, dedi Nazarov.
