Ótken jyly Qazaqstan men AQSH arasyndaǵy taýar aınalymy 33%-ǵa artyp, 4 mlrd AQSH dollaryn qurady.Bul týraly Syrtqy ister mınıstri Murat Nurtileýdiń AQSH Memlekettik hatshysy Entonı Blınkenmen kezdesýinde aıtyldy.
Kezdesý barysynda QR-AQSH saıası, saýda-ekonomıkalyq jáne gýmanıtarlyq salalardaǵy keńeıtilgen strategıalyq seriktestiginiń údemeli damýyn talqylanǵan.
M.Nurtileý Qazaqstan Respýblıkasynyń syrtqy saıasatynyń teńdestirilgen sıpatyn atap ótip, ozyq amerıkalyq tehnologıalardy tartý, eki el arasyndaǵy iskerlik baılanystardy nyǵaıtý jáne ózara tıimdi saýda qatynastaryna qol jetkizý arqyly Qazaqstannyń kólik-logıstıkalyq, ınfraqurylymdyq jáne saýda-ınvestısıalyq áleýetin pragmatıkalyq iske asyrýǵa erekshe nazar aýdardy.
Syrtqy saıası vedomstvolardyń basshylary elder arasyndaǵy energetıkalyq qaýipsizdik, mańyzdy mıneraldar, klımat, bitimgershilik jáne t.b. salalardaǵy yntymaqtastyqqa joǵary baǵa berdi.
AQSH Memlekettik hatshysy QR Prezıdenti Qasym-Jomart Toqaevtyń túbegeıli ózgerister baǵdarlamasynyń dáıekti jáne júıeli sıpatyn quptap, Vashıngtonnyń olardy praktıkalyq iske asyrýǵa jan-jaqty járdem kórsetýdi jalǵastyrýǵa daıyndyǵyn atap ótti. E.Blınken «Amerıka Qurama Shtattary Qazaqstannyń kóptegen jahandyq máselelerdegi shynaıy kóshbasshylyǵyn moıyndaıdy» dep atap ótti.
Sonymen birge, taraptar «C5+1» dıalogyn keńeıtý jáne ótken jyldyń qyrkúıek aıynda Nú-Iork qalasynda ótken osy formattaǵy alǵashqy samıttiń ýaǵdalastyqtaryn iske asyrý máselelerin talqylady.
