Depýtat Ekaterına Smyshláeva qazirgi kezde mopedter kóliktiń eń qoljetimdi túrine aınalǵanyn, soǵan saı olardyń qozǵalysyn retteý qajettiligi basym ekenin aıtty. Mundaı qajettilik, eń aldymen, joldardaǵy apattar sanynyń artýymen baılanysty bolyp otyr. Máselen, tek 2023 jyly mopedtermen baılanysty 750 apat boldy, bul 2022 jylmen salystyrǵanda tórt ese kóp.
Zań jobasynda tómendegideı tarmaqtar qarastyryldy:
- qozǵaltqysh kólemi 50 tekshe sm den kem mopedterdi memlekettik tirkeýdi engizý;
- moped júrgizýshilerine qoıylatyn talaptardy belgileý;
- jergilikti atqarýshy organdarǵa elektr skýterlerin paıdalaný tártibin aıqyndaý jónindegi quzyret berilsin.
Sonymen qatar, "Qazaqstan Respýblıkasynyń Ákimshilik quqyq buzýshylyq týraly Kodeksine de tolyqtyrýlar qosylmaq. Onda kólik quraldarynyń jekelegen túrleriniń qozǵalysyn uıymdastyrý jáne jol qaýipsizdigin sıfrlandyrý máseleleri boıynsha mynandaı máseleler jınaqtalǵan:
- ruqsat etilgen jyldamdyqtan edáýir asatyn adamdar úshin jaýapkershilikti qatańdatý;
- mopedterdi mehanıkalyq kólikpen teńestirý;
- laýazymdy adamnyń joldardy jáne jol qurylystaryn kútip-ustaýǵa baılanysty qaıtalama quqyq buzýshylyq úshin jaýapkershiligi.
Eske sala keteıik, ishki ister mınıstriniń orynbasary Igor Lepeha qozǵaltqyshtyń kólemine qaramastan barlyq mopedter kólik quraldaryna jatqyzylatynyn aıtqan. Sonymen qatar, olardy basqarý úshin "A1"sanatyndaǵy júrgizýshi kýáligi bolýy kerek ekenin málimdegen.
