Belgıalyq otbasy asyrap alǵan Jánibektiń anasy Valerıdiń aıtýynsha, ol Qazaqstanǵa kelmeı turyp, Jánibek týraly aldyn ala bilgen, fotolaryn kórgen.
"Qurmetti áke-analar, aǵa-ápkeler. Asyrap alǵan anam Valerıdiń atynan suraqtaryńyz ben tilekterińizge alǵys aıtqym keledi. Bul suhbatta ótken oqıǵalar týraly egjeı-tegjeıli aıtyldy, sonymen qatar jańa aqparat ta bar" deıdi Jánibek.
"Jánibek týraly Belgıada tanysqan áıel arqyly bildim. Arqalyqtaǵy balalar úıine habarlastym. Balalar úıi Jánibekti usyndy. Men Qazaqstanǵa kelmeı turyp, elektrondy poshta arqyly jalǵyz Jánibektiń sýretin kórip, málimet aldym. Arqalyqqa kelip, balalardy kórgende Jánibekti tanyp tursam da, tanymaǵandaı boldym, maǵan solaı isteısiń dep aıtty. Bala tańdaǵandaı ótirik istep turdym.
Belgıadan Almatyǵa ushaqpen, odan Arqalyqqa meni eki er adam kólikpen alyp bardy. Shynymdy aıtsam qoryqtym. Sol eki er adam meni úıine (bireýdiń) jetkizdi. Onyń áıeldiń kim ekenin keıin aıtyp beremin. Sol úıde túnedim.
Mende Qazaqstandaǵy balalar úıin tańdaıtyndaı múmkindik bolǵan joq. Biraq men qandaı bala asyrap alǵym keletinin aıttym. 2-3 jasqa deıingi ul bala dep aıttym.
Men seni asyrap alý úshin 12 myń AQSH dollaryn tóledim. Bala asyrap alý úshin aqsha tóleý kerektigin bildim. Biraq zańsyz ekenin bilgen joqpyn. Men Arqalyqqa barǵanda ol jerde Amerıkadan kelgen basqa adamdar da boldy. Olar 20 myń AQSH dollaryn qolma-qol tóleýge májbúr boldy", - deıdi ol.
Aqsha bergen adamnyń famılıasy esimde, múmkin bilmegende shyǵarmyn. Olar Arqalyqta balalar úıine jaqyn mańda turdy. Bilýimshe, aǵylshynsha biletin jalǵyz adam boldy. Men onymen baılanysta boldym. Biraq Jánibekti Belgıaǵa alyp ketkennen keıin baılanysta bolmadyq. 12-13 jasqa tolǵanda Jánibek týraly kóbirek bilý úshin ol áıelge elektrondy poshta arqyly jazdym. Ol kezde Jánibek basynan qıyn kezeńderdi ótkizip júrgen. Sol áıel kómektesedi dep oıladym. Biraq kómektespedi.
Men deldal arqyly Qazaqstannan bala asyrap alǵan áıelmen tanystym. Bala asyrap alýǵa alǵashqy qadam jasaýǵa sol kómektesti. Birneshe jyldan keıin sol kómektesken áıel agenttik ashty.Barlyq qujattardy daıyndaý úshin Qazaqstanda eki aıdaı boldym", - dedi ol.
