Tiri bolsam, qazaqqa qyzmet etpeı qoımaımyn!

Álıhan Bókeıhan

Qazaqstan túrmelerinde 43 adam ózin ózi óltirmekshi bolǵan

27 mamyr 2024 374

Qazaqstannyń 62 kolonıasynda 32 myń adam  jazasyn ótep jatyr. Bul týraly İshki ister mınıstrliginiń resmı ókili Shyńǵys Álekeshev málimdedi, dep habarlaıdy Alash.kz saıty.  

Onyń aıtýynsha, qazir elimizde 78 mekeme jumys isteıdi: 62 bas bostandyǵynan aıyrý túrindegi jazany óteý orny jáne 16 tergeý ızolátory.

«Onda 37 myń adam bar: onyń 32 myńy sottalǵandar,  al 5 myńy tergeý kezinde qamaýǵa alynǵandar. Sottalǵandardyń quqyqtary men zańdy múddeleriniń buzylýyna jol bermeý jáne mekeme qyzmetkerleriniń arasyndaǵy tártipti qamtamasyz etý maqsatynda prezıdent barlyq kolonıaǵa beınebaqylaý júıesin engizýdi tapsyrǵan bolatyn. Búgingi tańda 39 myńnan astam beınekamera ornatylǵan», - dep jazdy Azattyq Ruhy brıfıńtegi málimdemege siltep.

Beınekameralarda analıtıka jáne baqylaý fýnksıalary qarastyrylǵan. Sondaı-aq, tyıym salynǵan aımaqqa kirgen nemese obektıvi jabylǵan kezde dabyl jiberetin múmkindigi bar. Ondaǵy beıne Qylmystyq-atqarý júıesi komıtetiniń ahýaldyq ortalyǵyna, sondaı-aq, prokýratýra organdaryna shyǵarylǵan. Bul jaǵdaıdy naqty ýaqyt rejıminde turaqty túrde baqylaýǵa múmkindik beredi.

Álekeshevtiń sózine sensek, bul sharalar oń nátıje berip otyr.

«Qyzmetkerlerdiń zańsyz áreketterine qatysty shaǵymdar 8 ese qysqardy. Júıe iske qosylǵan sátten bastap sottalǵandar tarapynan jasalǵan 24 myńǵa jýyq zań buzýshylyq anyqtaldy. 43 sýısıd jáne 4 qashý áreketiniń aldyn aldy, ıaǵnı jol berilmedi. Tártipsizdikke ulasýy múmkin 9 janjal der kezinde toqtatyldy», - dedi İİM resmı ókili.

Budan bólek beınekameralardyń arqasynda tyıym salynǵan zattardy jetkizbek bolǵan 151 adam ustaldy. Olar 267 telefon, 33 lıtr spırttik ishimdik pen 2 kelige jýyq esirtki alyp kirmek bolǵan.

Qazir ákimshilik jáne qylmystyq jaýapkershilikke 58 adam tartylyp otyr.  88 adamǵa qatysty sot sheshimi shyqty.

Bul maqala týraly ne oılaısyz?