Tiri bolsam, qazaqqa qyzmet etpeı qoımaımyn!

Álıhan Bókeıhan

Reseıde beti-basyn tumshalaǵandarǵa, nıkab kıgenderge 10 myń rúbl aıyppul salynbaq

25 mamyr 2024 587

Reseıde qoǵamdyq oryndarda beti-basyn tumshalap jaýyp júretinderge qarsy tyıym salyp, toqtaý qoıatyn zań jobasy ázirlenip jatyr, dep habarlaıdy Alash.KZ ulttyq portaly Ulysmedia.kz_ke siltep.

Mundaı tyıym jaıly Memlekettik Dýmanyń depýtaty Mıhaıl Matveev málimdedi. Onyń aıtýynsha, zań jobasy qazir Memlekettik Dýmada ázirlenýde. Qujatta «nıkab» degen sóz joq, biraq betin, ásirese, dinı kıimmen jabý úshin 10 myń rúbl aıyppul qarastyrylǵan.

Zań jobasynda polınezıalyq taıpalardyń nıkabtary, paranjalary men betperdeleri týraly sóz bolmaıdy, ondaǵy ýáj dinı emes, tek qaýipsizdik jáne jeke sáıkestendirý máseleleri arqyly bolady, - dep túsindirdi depýtat RTVI basylymyna.

Matveev túzetýler «terrorlyq qaýip-qater qaýpine» baılanysty engizilip jatqanyn aıtty.

Terrorlyq qaýip-qater qaýpi joǵary zamanda biz qoǵamdyq oryndarda medısınalyq maska men kombınezonnan basqa adamnyń bet-álpetin jasyratyn zattarǵa tyıym salý máselesin kóteremiz. Bul nıkab pa, asqabaq ne Gaı Fokstyń maskasy ma, báribir, - dep atap ótti Matveev.

Eske salaıyq, buǵan deıin Qazaqstan Prezıdenti Qasym-Jomart Toqaev Atyraýda ótken Ulttyq quryltaıda «Dástúrdiń ozyǵy bar, tozyǵy bar» ekenin aıta kele, ata jolyn saqtaımyz desek, ǵasyrlar boıy babalarymyz ustanǵan asyl dinimizdi saqtaıyq degen bolatyn.

Mamyrdyń 21-i kúni Bilim mınıstri Ǵanı Beısembaev taǵy da mektepterde hıjab kıýge tyıym salý týraly aıtty.

Sondaı-aq Mádenıet jáne aqparat mınıstri Aıda Balaeva da din týraly jańa zańda qoǵamdyq oryndarda dinı kıim kıýge tyıym salý máselesi qaralatynyn aıtqan bolatyn.

Bul maqala týraly ne oılaısyz?