Mekteptegi tóbelesten keıin oqýshy qaıtys boldy. Eki aýdan ákimine úkim shyqty. Aımaq basshysy Nurlybek Nálibaev sheneýnikterdi tártiptik jazaǵa tartatyndaryn málimdedi. Bul týraly Alash.kz habarlaıdy.
Shıeli jáne Syrdarıa aýdandarynyń ákimderi qatań sógis aldy. Sondaı-aq Shıeli aýdanynda bilim bóliminiń basshysy, mektep dırektory men ýchaskelik ınspektor jumystan bosatylady.
«Kámeletke tolmaǵandardyń qatysýymen jasalǵan qylmystar sany 30-dan 26-ǵa deıin azaıǵanymen, aýyr qylmystar sany ósip barady. Balalar arasyndaǵy qylmystardan bólek, ustazdar tarapynan jasalǵan qylmys faktileri de anyqtalýda», - dedi Nálibaev.